Bu yozda 22 yoshli futbolchi Evropaning ko'plab grandlari etiborida bo'ldi. Ayniqsa, uning ismi "Barselona" bilan ko'p bog'landi. SHuningdek, PSJ, "Arsenal" va "CHelsi" ham futbolchiga "sovchi" jo'natgandi. Biroq Uilyams yakunda jamoasida qoldi.
"Albatta, katta klublar seni o'z rejalaringga kiritishsa yoqimli bo'ladi. Biroq men boshqalarga ham bu erda qolishni istayotganimni to'laqonli tushuntirib bera oldim. "Atletik"da - bu o'zgacha hissiyot, boshqa klublarda bunday bo'lmasa kerak. Bu jamoa uchun qo'limdan kelgancha yanada ko'proq yordam berishni sabrsizlik bilan kutyapman.
To'g'ri, takliflar ko'p bo'ldi, bu bilan agentim shug'ullandi. Yuragim "Atletik" bilan, undan tashqari, shartnomam ham bor, kelajakda nimalar bo'lib ketishini hech kim bilmaydi. Bu erda qolishni istayman, chunki jamoa bilan xalqaro o'yinlarda o'ynashni ancha vaqt kutdim", - dedi Niko Uilyams.
Eslatib o'tamiz, ushbu mavsumda "Atletik" Evropa ligasida o'ynaydi.
Bosh sahifaga
146