"CHelsi" bilan barcha hujjatlar imzolangach, Sancho "aristokratlar" afsonalari Drogba va Lempardni bolalikdagi eng sevimli futbolchilari deb atadi.
Umumiy hisobda Drogba va Lempard "CHelsi" libosida 1 029 ta o'yinda maydonga tushib, 375 ta gol urgan va 212 golli uzatma bergan. SHu tariqa, bu ikkovlon klub tarixining eng muvaffaqiyatli davrlaridan birida bevosita ishtirok etgan hamda bir necha bor Premer-liga va ichki kuboklarda zafar quchgan, shuningdek, CHempionlar Ligasi va Evropa Ligasi bosh sovriniga ham ega chiqishgan.
Endilikda Sancho o'sha mashhur duetning muvaffaqiyatlarini takrorlashga urinib ko'radi.
"Bu erda ekanligimdan juda baxtliman. London - men o'sgan shahar va bu erga qaytishdan xursandman.
Barchasi murakkab edi va transfer oynasining oxirgi kunida hal bo'lishi zarur edi. Biroq barchasi ko'ngildagidek o'tdi va vanihoyat bu amalga oshganidan juda mamnunman.
"CHelsi" - bu buyuk klub. Bilasizmi, bolaligimda Dide Drogba va Frenk Lempard kumirlarim bo'lgan. Endi esa xuddi ular kabi shu klub safida to'p tepish imkoniyatiga egaman. Bu ajoyib tuyg'u".
Bosh sahifaga
92