"2030 yilgacha bizda vaziyatni o'zgartirish uchun juda ko'p vaqt bor. Umid qilamanki, Ispaniya rivojlana oladi va insonni terisining rangiga qarab haqorat qilish qanchalik jiddiy masala ekanligini tushunib etadi. O'ylashimcha, agar vaziyat 2030 yilgacha o'zgarmasa Jahon chempionatini o'tkazish joyini o'zgartirish kerak. O'yinchilar irqchilikdan aziyat chekishi mumkin bo'lgan mamlakatda o'zlarini qulay va xavfsiz his qilmaydilar.
Vaziyatni o'zgartirish uchun qo'limdan kelganicha harakat qilmoqchiman, chunki Ispaniyada ko'pchilik irqchi emas. Oxir-oqibatda yashash juda yoqimli bo'lgan mamlakat imidjiga tasir ko'rsatadigan kichik guruh mavjud.
Men "Real"da o'ynashni yaxshi ko'raman. Men Ispaniyani yaxshi ko'raman, bu erda men va oilam uchun eng yaxshi sharoitlar bor. Umid qilamizki, vaziyat yaxshilanishi mumkin - u allaqachon yaxshilangan, ammo yanada yaxshilanishi mumkin va 2030 yilga kelib irqchilik holatlari kamayadi", - dedi Braziliya terma jamoasi azosi Vinisius.
Eslatib o'tamiz, JCH-2030 Ispaniya, Portugaliya va Marokashda o'tkaziladi. SHuningdek, Urugvay, Argentina hamda Paragvayda ham bittadan o'yin o'tkaziladi.
Bosh sahifaga
349