Jangovor 3:3 hisobidagi durang natija bilan yakuniga etgan mazkur bahsdan so'ng saytimiz muxbiri qo'qonliklar bosh murabbiyi Bahrom Haydarov bilan qisqa intervyu tashkil etdi.
O'yin haqida
- Bugungi o'yin o'rtoqlik maqomidagi bo'lgani bois qator yosh futbolchilarni ko'rikdan o'tkazib oldik. “FarDU” jamoasi ham Sergey Lebedev qo'l ostida yaxshi jamoa bo'lib shakllanmoqda. 3:3 hisobi haqqoniy, futbolda bo'shashish kerak emas. Yigitlarga etirozlar bor, bu borada tahlil qilamiz. Umuman olganda, ikki jamoa ham yaxshi o'yin ko'rsatdi.
- Bugun jamoangiz safida yosh futbolchilar ham harakat qildi. SHu haqidagi fikrlaringiz?
- Tarkibimizga U-19 jamoamiz safida 5 nafar yosh futbolchilarni jalb etdik. SHu kabi o'yinlar orqali ularni sinovdan o'tkazamiz.
- Maydon holati haqida fikringiz?
- To'g'risini aytganda, maydon holati yaxshi. Xatto zo'r desa ham bo'ladi.
- Birinchi bo'limdayoq o'zgarishlarga qo'l urganingizga sabab nima?
- Kuzatib borgan bo'lsangiz, bugun 3 ta darvozabonga o'yin amaliyoti berdik. Bu bizga zarur bo'lgan amaliyot edi.
- Sizga eng ko'p beriladigan savol. “Qo'qon-1912” qachon o'z maydoniga qaytadi?
- Bu borada hozir amaliy ishlar davom etayapti. Mutaxassislar bor, ular taxminan bir oy atrofida muddat chamalashdi.
- Demak, oktyabr oyida degan fikrga kelsak bo'ladimi?
- Katta ehtimol shunaqa. Hammasi yaxshi davom etsa, keyingi oyda o'z maydonimizga qaytamiz.
- Superligaga chiqish imkoniyatlari haqida…
- Imkoniyat har doim bor. Oldinda 10 ta tur bor, barcha uchrashuvlarda g'alaba qozonsak, Superligaga to'g'ridan-to'g'ri chiqamiz. Maqsad va harakatlarimiz shunga qaratilgan.
Bekzod Tolibov yozib oldi
Bosh sahifaga
318