Boisi havo 45 darajadan yuqori bo'lgan yozning har bir kuni maysa holatini keskin yomonlashtiradi.
7 sentyabr kuni Liga mutaxassislari Farg'onada bo'ldi hamda O'zbekiston kubogining final uchrashuvi oldidan dastlabki tayyorgarlik ishlarini boshladi. Safar davomida Liga qator masalalarni o'z rejasiga kiritdi.
Ayni vaqtda "Istiqlol" stadioni maysasining holati yaxshi emas. Yil davomida maysa talab qilingan ozuqani etarli darajada olmagan, chilla davomida maysa va uning ostki holatida o'zgarishlar yuz bergan. Liga vakillaridan avval stadionga 400 kilogramm urug' etib kelgan bo'lib, ayni vaqtda qo'shimcha maysalar maydon sathi yuzasiga chiqishni boshlagan. Oy davomida maydon mutaxassislar nazorati ostida bo'ladi. U oktyabr oyiga qadar futbol uchrashuvini normal holatda o'tkazishga tayyor bo'lishi ko'zda tutilgan.
Finalga qadar "Qo'qon-1912" klubi mazkur arenada 2 ta, "Neftchi" esa 1 ta uchrashuv o'tkazishi lozim edi. Safar oldidan Liga "Qo'qon-1912" klubi ishtirokidagi uchrashuvlar sanasiga o'zgartirish kiritdi va ularni oktyabr oyidagi FIFA kunlarida o'tkazishga qaror qildi. SHuningdek, "Neftchi"ning "Qizilqum" bilan Superliga doirasidagi o'yinini boshqa stadionga o'zgartirish masalasida klub rahbariyati bilan kelishuvga erishildi. Bu haqda keyinroq alohida malumot beriladi.
Eslatib o'tamiz, O'zbekiston kubogining bu yilgi finali 5 oktyabr kuni bo'lib o'tadi. Unda vodiyning ikki klubi "Navbahor" hamda "Andijon" o'zaro bahs olib boradi.
Bosh sahifaga
384