So'rovnoma natijalariga ko'ra Ro'ziqul Berdiev O'zbekiston chempionatining avgust oyidagi eng yaxshi murabbiyi bo'ldi. "Nasaf" uning qo'l ostida to'rtta uchrashuvda xuddi shuncha g'alabaga erishdi. Qarshi klubi 17 turdan keyin eng yaqin taqibchisidan (OKMK) 6 ochko oldinda va turnir jadvalida peshqadamlik qilmoqda. Berdiev 52 foiz ovoz bilan g'olib chiqqan bo'lsa, ikkinchi o'rinni "Surxon" bosh murabbiyi Fevzi Davletov (26 foiz) band etdi.
"Nasaf" to'rtta uchrashuvda birorta ham gol o'tkazib yubormasdan to'rtta g'alabaga erishdi. Bunda esa darvozabon Abduvohid Nematovning xizmatlari katta. Aynan Abduvohid Nematov Superliganing avgust oyidagi eng yaxshi futbolchisi deb topildi – unga rezidentlarning 42 foizi ovoz berdi. So'rovnomada ikkinchi o'rin OKMK hujumchisi Kleydi Daciga nasib qildi, u to'rtta o'yinda uchta gol urgandi (21 foiz ovoz). Bir oz kamroq, yani 16 foiz ovozni "So'g'diyona" yarim himoyachisi Vladimir Yovovich qo'lga kiritdi – u to'rtta o'yinda ikkita gol urdi.
Bosh sahifaga
166