O'yin haqida
- Fursatdan foydalanib, O'zbekiston terma jamoasini va barcha yurtdoshlarimizni jahon chempionati saralashi doirasidagi dastlabki 2 ta o'yinda qo'lga kiritilgan g'alabalar bilan tabriklaymiz. Bugungi uchrashuv haqida aytadigan bo'lsak, oson bo'lmagan o'yinda g'alabaga erishdik. Birinchi bo'limda jamoamiz anchayin qiyinchiliklarga duch keldi. “Aral” yaxshi shakllangan jamoa. Ikkinchi bo'limda yigitlar qo'shimcha kuch topib, bizga muhim g'alabani taqdim etishdi. Rahbariyat, jamoa azolari va muxlislarni g'alaba bilan tabriklayman.
- Bugun bir nafar hujumchi bilan o'yinni boshladingiz. Bu raqibdan kelib chiqib tanlangan ehtiyotkorlik uslubi edimi?
- Yo'q, biz har o'yinda ko'proq hujumkorlikka etibor qaratayapmiz. Futbolda qaysidir futbolchida charchoq alomatlari seziladi. SHu boisdan bugun Muhriddin Zoirovni ikkinchi bo'limda maydonga tushirdik. O'yin boshidan Javohir Hasanov hujum chizig'ida harakat qildi. O'ylashimcha, bu qaror to'g'ri bo'ldi. Har bir futbolchi o'ziga berilgan vazifani to'liq bajarishga harakat qildi.
- Temur Nabiev ko'rsatgan o'yin haqida fikringiz?
- Temur yaxshi himoyachi. Bugun ham yaxshi harakat qildi. Futbolchi maydonda borini berib o'ynasa, albatta murabbiyning etiborini qozonadi.
- Jasur Xolto'raev maxsus niqobda o'ynadi. Buni sababi nima?
- Jasur “Buxoro” bilan o'yinda burnidan jarohat olgandi. SHu bois bugun maxsus niqob bilan harakat qildi. Albatta, u o'yin davomida katta hajmdagi ishni bajarib, jamoamiz g'alabasiga o'z hissasini qo'shdi.
Bosh sahifaga
132
