- Jamoa mundialga qanchalik tayyor bo'ldi? Yangi qo'shilgan futbolchilar jamoaga qo'shilib keta olishdimi?
- Jamoamiz tayyor. Biz uzoq vaqtdan beri tayyorgarlik ko'rdik, kuchli jamoalarga qarshi o'yinlarda ishtirok etdik. Xatolarimiz ustida ishladik. To'g'ri, tarkibimizda bir nechta yo'qotishlar ham bo'ldi va ularning o'rniga yangi futzalchilar jamoaga qo'shilishdi. Qo'shilgan yigitlar ham bizga tanish. Bor etiborimizni birinchi uchrashuvga qaratganmiz.
- Bundan avval ham Jahon chempionatida ishtirok etsangiz, bu safargi mundial vatanimizda bo'lib o'tmoqda. Ushbu musobaqaning masuliyati haqida gapirib o'tsangiz?
- Butun jamoa buni sezib turibdi. O'z xalqimiz ko'z o'ngida parketga chiqish biz uchun haqiqiy sharaf.
- Jamoa sardori jarohat oldi va musobaqani o'tkazib yuboradigan bo'ldi. Yangi sardorni kim tanladi? Bu jarayon qanday kechdi?
- Birinchi o'quv-mashg'ulot yig'inlarida bosh murabbiyimiz ushbu masalani hal qilgandi. Birinchi sardor - Dilshod Rahmatov, ikkinchi sardor - Ravshan Eliboev va uchinchi sardor men edim. Ikkita sardorimiz jarohat olgani sabab, sardorlik menga o'tdi. Buning masuliyati ham og'ir ekan.
- Dastlabki raqib Niderlandiya terma jamoasi qanday o'rganildi?
- Niderlandiya terma jamoasini ko'p o'rgandik va o'rganishda davom etmoqdamiz. Video tahlillarni ham ko'rib chiqdik, raqibning kuchsiz tomonlari va yaxshi jihatlarini ham o'rganib oldik. Hozir barcha etiborimiz 1-tur bahsiga qaratilgan.
- Jahon chempionati uchun yangi qoplama o'rnatildi. Yangi qoplamada o'ynash qanchalik qiyin ekan?
- Biz 2-3 oy davomida yangi qoplamada o'ynab keldik va o'rtoqlik uchrashuvlarini ham yangi qoplamada o'tkazdik. Bu bizga hech qanday muammo tug'dirmaydi.
- Musobaqadagi maqsadlar qanday?
- Maqsadimiz eng yaxshi natijamizni takrorlash va imkon qadar o'sha natijani yaxshilash, lekin birinchi navbatda, guruhdan chiqib olishimiz kerak.
- Terma jamoamiz jarohatlar girdobida qolib ketdi. Bir necha kun avval terma jamoamiz sardori Dilshod Rahmatov mundialda ishtirok etmasligini bilib oldik. Jarohatlar soni bunchalik ko'payib ketganiga nima sabab bo'ldi deb o'ylaysiz va ushbu jihat qolgan futbolchilarga bosim o'tkazmayaptimi?
- Bizda yaxshi shakllangan jamoa bor. Ushbu vaziyatdan bir jamoa bo'lib chiqib ketishga kelishib oldik.
Bosh sahifaga
165
