O'yin haqida
- Qiyin o'yin bo'ldi. Birinchi va ikkinchi bo'lim bir-biridan farqli o'tdi. G'alabani maqsad qilgandik, so'nggi daqiqalardagi etiborsizlik natijasida to'p o'tkazib yubordik. Navbatdagi uchrashuvlarga tayyorlanishda davom etamiz.
- Jamoaning yana bir darvozaboni Xumonshoh Sayyotovga ham chempionat o'yinlarida imkoniyat berish rejangiz bormi?
- Imkoniyat berayapmiz albatta. Barchasini vaqt ko'rsatadi.
- “Qizilqum” kuchli jamoalarga qarshi o'yinlarda faollik namoyish etayapti. Jamoada shunaqa ruhiyat bormi?
- Biz har bir o'yinga bir xil uslubda tayyorgarlik ko'ramiz. Maqsad faqat g'alabaga qaratiladi. Futbolda ruhiyatga bog'liq bo'lgan jihatlar ko'p. Mashg'ulotlarda jiddiy ishlaymiz, qaysi jamoa raqib bo'lishi muhim emas, asosiy maqsad g'alabaga qaratiladi.
- Fayzullo Jumanqo'ziev bugun maydonga tushirildi. Biroq, Kuxianidzega imkon berilmadi. Buning sababi taktik uslublar bilan bog'liqmi?
- Taktik uslublar o'yin davomida o'zgarib boradi. Bugun birinchi bo'limdan so'ng o'yinni borishidan kelib chiqib, uslubimizni o'zgartirdik. Mavjud vaziyatdan kelib chiqib, barchaga imkoniyat beramiz.
- Jamoa o'z maydoniga o'ynamayotgani tayyorgarlik jarayoniga va natijalarga salbiy tasir ko'rsatadimi?
- Buni vaqt ko'rsatadi. Biz uchun mezbonlik o'yinlari safar uchrashuvi kabi o'tayapti. Bu albatta jamoaga ham, qolaversa muxlislarga ham qiyinchilik tug'diradi. Klub rahbariyati, umuman butun jamoa ayni muammo bo'yicha jiddiy ishlayapti.
Bosh sahifaga
149
