- Jamoangiz mundialga qanchalik tayyor?
- Tayyorgarlik juda yaxshi o'tdi. Hozirgi vaqtda esa, uzoq parvozdan tiklanishga etibor qaratganmiz. Jahon chempionati startini intizorlik bilan kutmoqdamiz.
- Guruhdagi raqiblar haqida fikr bildirib o'tsangiz?
- Guruhimiz biz uchun yangilik bo'lmadi. Guruhdoshlarimiz so'nggi yillarda futzalda katta natijalarga erishishmoqda. Hozirgi kunda butun dunyo bo'ylab futzal rivojlanmoqda. Panama Konkakaf mintaqasi g'olibi. Tojikiston esa Osiyo kubogida ajoyib o'yin namoyish etdi. Marokash - Afrika mintaqasi g'olibi. Barcha raqiblarimiz o'z qitasida eng kuchlilari.
- Portugaliya amaldagi mundial g'olib, bu safargi terma jamoasining Jahon chempionatiga maqsadlar qanday?
- Biz so'nggi bahsga qadar shu erda qolishni maqsad qilganmiz, lekin bu oson vazifa emas. Barchasini qadam-baqadam bajaramiz, birinchi navbatda guruhdan chiqib olishimiz kerak. O'yindan o'yinga kuchayib borishni maqsad qilganmiz.
Abdulvosit Bektemirov suhbatlashdi
Eslatib o'tamiz, Portugaliya futzal terma jamoasi mundialdagi yurishini 16 sentyabr kuni Panamaga qarshi boshlaydi. Uchrashuv soat 17:30da "Humo Arena"da o'tkaziladi.
Bosh sahifaga
282