- Portugaliya terma jamoasi mundialga qanday tayyorgarlik ko'rdi? Panamaga qarshi kechadigan dastlabki uchrashuvga qanchalik tayyorsizlar?
- Biz Panama terma jamoasining bir nechta o'yinlarini tahlil qilib chiqdik va videolarni ko'rdik. Qiyin o'yin bo'lishini taxmin qilyapman, sababi Panama jismoniy holati ancha kuchli va qarshi hujumda juda xavfli. Biz ancha etiborli va hushyor bo'lishimiz kerak. Panama terma jamoasi bizga etarlicha muammo tug'dira olishiga ishonaman, ammo biz yakunda g'alabani qo'lga kiritishimiz kerak.
- Guruhdagi raqiblar haqida fikr bildirib o'tsangiz? Marokash, Tojikiston va Panama terma jamoalari bilan bir guruhdan joy olgansizlar...
- Ko'pchilik bu terma jamoalarni jiddiy qabul qilmasligi mumkin, ammo futzalni muntazam kuzatib boradigan insonlar bunday fikrlamasligi aniq. Marokash so'nggi yillarda yaxshigina o'sishga erishdi. Tojikiston esa Osiyo Kubogida "syurpriz" jamoa bo'la oldi. Tojikiston futzalchilari yuqori darajali o'yinchilar va ular o'z ishini juda yaxshi bajarishmoqda. Panama terma jamoasi esa "Konkakaf" mintaqasi chempioni. Barcha raqiblarga qarshi oson o'yin bo'lmasligi aniq.
- Amaldagi Jahon chempionlarining ushbu mundialdagi maqsadlari qanday?
- Avvalroq aytib o'tganimdek, biz o'z mintaqasining chempionlari bilan bir guruhdan joy olganmiz. Bosh murabbiyimiz aytib o'tganidek, bizning asosiy maqsadimiz musobaqaning so'nggi kuniga qadar shu erda qolish. Biz qiyin guruhdan joy oldik, ammo keyingi bosqichda yaxshiroq vaziyatda bo'lishimiz uchun guruhda birinchi o'rinni egallashimiz kerak.
Abdulvosit Bektemirov suhbatlashdi
Eslatib o'tamiz, Portugaliya futzal terma jamoasi mundialdagi yurishini 16 sentyabr kuni Panamaga qarshi boshlaydi. Uchrashuv soat 17:30da "Humo Arena"da o'tkaziladi.
Bosh sahifaga
283