Bugun Farhod Nishonov boshqaruvidagi OTJ Xitoydan Xitoy Taypeiga uchib ketdi.
“O'yinlarga keladigan bo'lsak, o'zimizdan kattalarga qarshi to'p tepdik. O'ziga yarasha qiyinchiliklar bo'ldi. Birinchi bo'lib Malayziya bilan kuch sinashdik. Takidlab o'tishim kerakki, namgarchilik haddan tashqari ko'p. SHu jihatdan qiynaldik. Bu bahsda katta futbolchilar tushgani yo'q, 2005 yilda tug'ilganlarga imkoniyat berdik va 2:0 hisobida g'alaba qozondik. Ko'proq zaxiralar qilishga harakat qildik”, - deydi Xitoyda o'tgan musobaqa haqida Nishonov.
- Vetnam kuchli va katta futbolchilar bor edi. SHu bois men ham aralash tarkibni tushirdim. Bu ham katta yordam berdi. Ular maydonda ham, tashqarida ham o'zlarini ko'rsatishdi. Bu omillar hisobiga ikkinchi uchrashuvni ham yaxshi o'tkazib oldik.
Mezbonlarga qarshi bahs haqida u shunday dedi:
- Xitoy ham yaxshi tayyorgarlik ko'rgani bilinib turdi, murabbiylari ispaniyaliklar. Natija uchun katta kuchni tashlashdi. Bizni esa durang qoniqtirardi. Ularning rejasi himoyada yaxshi o'ynash edi va rejasini bajardi. Yigitlar ancha moslashib olishgandi. Oldimizdagi saralash oldidan yuklama, jarohatlar bo'lib qolmasligi uchun kattalarning yordamidan foydalandik. Tanlagan futbolchilarimiz katta ko'mak berishdi. Ikki kundan so'ng saralash uchun Tayvanga yo'l olamiz. Yigitlarning o'ziga bo'lgan ishonchi yuqori, bir-birini qo'llab-quvvatlashlari yoqdi. Saralashda o'z maqsadimizga erisha olamiz. Bu yig'in orqali kimning qanday holatdaligini yana bir bor ko'rib oldik. Tayvandan xabar berishlaricha, saralash uchrashuvlari suniy maydonda bo'lar ekan. Boz ustiga issiqda o'tishi biroz xafa qilyapti. Lekin yigitlarga ishonaman. Ular jaydari futbolchilar. Har qanday maydonda to'p tepib katta bo'lishgan. Xudo nasib qilsa, bu futbolchilar bilan katta natijalarga erishmoqchimiz. Borlarini berishyapti, mehnat qilishyapti. SHu tarzda ishlashda davom etishsa, ulardan katta yutuqlar kutsa bo'ladi. Endigi bor etiborimiz Kambodjia bilan o'yinga qaratiladi.
Bosh sahifaga
194
