Qoraqalpog'istonning barcha: "Aral", "Jayxun", "Aral akademiya", "Aral U-19", "Aral" ayollar jamoalari o'zining uy uchrashuvlarini Nukus shahridagi Qoraqalpog'iston bolalar-o'smirlar futbol akademiyasiga qarashi maydonda o'tkazib kelayotgandi. Endilikda Nukusda yana bir futbol maydoni ishga tushish arafasida turibdi.
Nukus olimpiya va paralimpiya sport turlariga tayyorlash markazi homiylar tomonidan tamirdan chiqarildi. Liga Qoraqalpog'iston futbol associaciyasi bilan kelishgan holda Proliganing 18-turidan o'rin olgan Aral — Buxoro uchrashuvini mazkur futbol maydonida tashkil etish ustida ishlamoqda. Talab etilgan barcha hujjatlar Ligaga taqdim etilsa, 18-sentyabr kuni Aral o'z raqibini Nukus olimpiya va paralimpiya sport turlariga tayyorlash markazida test tariqasida qabul qiladi. Bu erda 1100 nafar ishqiboz uchrashuvni bevosita tomosha qilishi uchun sharoit mavjud.
Qoraqalpog'iston futbol associaciyasi markaz futbol maydonida keyinchalik amalga oshirilishi lozim bo'lgan ishlar yuzasidan Ligaga kafolat xati kiritgan bo'lib, ular kelgusi uy uchrashuviga qadar bartaraf etilishi ko'zda tutilgan. Rejaga ko'ra, 16 oktyabr kuni Nukusga "Mashal" klubi tashrif buyurishi lozim.
Ayni vaqtda Nukus shahrida Turon stadionini qayta jonlantirish ustida ish ketmoqda. Bu haqda keyinroq batafsil malumot beriladi.
Bosh sahifaga
287