O'yin haqida
- Og'ir o'yin bo'ldi. Superligada yuzaga kelgan tanaffusdan so'ng o'yin ritmiga qaytib olish qiyin bo'ladi. Biz bunga tayyor edik, avvaldan bilgan holda tayyorgarlik ko'rgandik.
“Surxon” o'ziga yarasha “boshog'riq” jamoa. Bugun ular birinchi bo'limda yaxshi harakat qilishdi. CHetlatish qaysidir manoda bizning ham zararimizga ishladi. Yigitlar raqib 10 kishi qoldi deb, xotirjamlikka berilishdi. Birinchi bo'limdagi o'yinimiz og'ir o'tdi. Ikkinchi bo'limda o'yin tezlashdi, ko'proq yugurishni boshladik. Oxir-oqibat darvozasiga to'p kiritdik va bu gol g'alabamizga sabab bo'ldi. “Surxon” jamoasiga navbatdagi uchrashuvlarda omad tilayman. Biz navbatdagi uchrashuvga tayyorgarlikni boshlaymiz.
- Keyingi o'yinda “Nasaf”ga to'qnash kelasizlar. Bu uchrashuv uchun qanday rejalar bor?
- Albatta, birinchi navbatda bugungi o'yinni tahlil qilishimiz kerak. “Nasaf” kuchli jamoa, qarshiliklar bejizga jadval peshqadami emas. Juda muhim va 6 ochkolik o'yin bo'ladi. Biz uchun chempionlik poygasidagi oxirgi imkoniyat desa ham bo'ladi. Yutsak, oldimizda imkoniyat paydo bo'ladi, yutqazsak esa yo'q.
Bosh sahifaga
420