"To'g'ri, Angola mag'lub bo'ldi, chunki Ukraina boshqacha strukturaga ega jamoa hisoblanadi. Argentina bilan o'yindan keyin turnirni tark etishimiz mumkin, lekin ushbu musobaqa biz uchun katta tajriba bo'ladi.
Jahon chempionati biz ishtirok etishimiz kerak bo'lgan eng yaxshi musobaqadir. O'ylaymanki, Angola yanada yaxshiroq tayyorgarlik bilan keyingi mundiallarga qaytadi. Oldimizda Argentinaga qarshi o'yin bor, ungacha tiklanishga va kamchiliklarni to'g'rilashga harakat qilamiz.
Ukraina bizdan kuchli edi va yaxshi tayyorlangandi, ularni tabriklayman. Bu erda dunyoning eng yaxshi futzalchilari jamlangan. Ularga qarshi o'ynab, katta tajriba orttirish mumkin.
Jahon chempionatidagi ilk ishtirokimda ilk golimni urdim. Natijadan qoniqish hosil qildim demoqchi emasman, lekin bu erda yana shunday gollar urishni istardim. Bu erdagi xotiralarni yodimda abadiy saqlayman. Har qanday futzalchi jahon chempionatiga kelib, gol uravermaydi. Agar men bu ishni takrorlash imkoniyatiga ega bo'lsam, o'zimni baxtli his qilardim"
Oqil Abdubarnoev suhbatlashdi.
Bosh sahifaga
239