O'yin haqida
- Uchrashuv davomida ikki xil bo'limlar guvohiga aylandik. Birinchi bo'limda “Xorazm” jamoasi urg'uni himoyaga qaratdi, qarshi hujumlarni maqsad qilgan holda o'yin tashkil etdi. Biz 2 ta to'p farqi bilan oldinga chiqqanimizdan so'ng “Xorazm” vakillari oldingi chiziqda o'ynay boshlashdi. Bizda parokandalik va xatoliklar ko'zga tashlana boshladi. Qarshi hujumlardan foydalansak bo'lardi, biroq mahorat etishmadi. G'alaba bilan barchani tabriklayman va yigitlarga minnatdorchilik bildiraman.
- “Mashal” avvalgi o'yinda “Xorazm” bilan durang natija qayd etgandi. O'sha o'yin va bugungi uchrashuvda qanday farqli jihatlarni ko'rdingiz?
- “Xorazm” jamoasi safida Superligada harakat qilgan nomlar bor. Ular o'z maydonlarida ishonch bilan harakat qilishgandi. Biz o'sha o'yinga yo'qotishlar bilan borgandik. Qarshi hujum va tezlik evaziga g'alabani maqsad qilgandik. Birinchi bo'limda rejalarimiz o'xshadi.
- Qaydnomada 3 ta hujumchi ko'rsatilgandi. Bunga sabab nima edi?
- Yo'qotishlar sabab shunday tarkibni tanladik. Jamoa hujumchilari ham ko'proq qanotda harakat qilishdi.
- Demak, hujumchilar yarim himoyachi vazifasini ham bajarishdimi?
- Albatta. Ular tarkibimizdan kelib chiqib yarim himoyada ham o'ynashdi. Futbolchilarimizda jarohatlar bor edi.
- Siz ham futbolda himoyachi bo'lgansiz. Bugungi o'yindagi kabi avtogol sizning ham faoliyatingizda bo'lganmi?
- Ko'pincha chapaqay futbolchilarda bunday holat uchrab turadi. Mening ham futbolchilik faoliyatimda avtogol bo'lgan. Lekin oddiyroq holat edi.
- “Mashal” turnir jadvalida birinchi o'ringa chiqib oldi. “Xorazm” jamoasi quyi uchlikda borayapti. SHundan kelib chiqsak, bugun jamoa yirik hisobda g'alaba qozonishi kerak edi …
- “Xorazm” jamoasining tarkibi yomon emas. Ular “Do'stlik” bilan o'yinda ozroq etiborsizlikka berilishdi. Qolgan o'yinlarda hech bir raqibdan qolishmayotgandi.
Bosh sahifaga
352