O'yin haqida
- Uchrashuvni yaxshi boshladik. Dastlabki qismda yuzaga kelgan vaziyatlarimizdan unumli foydalandik. Ikki jamoa ham kuchli ishtiyoq bilan harakat qildi. G'alabani qo'ldan chiqarish alamli. Lekin bu futbol, ushbu sport turida hamma narsa sodir bo'lishi mumkin. Xatolar kechirilmaydi, qimmatga tushadi.
- Darvozabonlar almashinuvi nima bilan bog'liq?
- Akbar To'raev vaziyatlarni his qilishda ozroq xatoliklarga yo'l qo'ydi. SHu boisdan ham zaxiradan Botirali Ergashevni maydonga tushirdik.
- Terma jamoa futbolchisi Azizbek Amonov zaxirada qolib ketayapti. Bunga qanday izox berasiz?
- Jismoniy jihatga ko'p narsa bog'liq. Bizda hujumchilar o'rtasidagi raqobat kuchli. Azizbek Amonov zaxiradan qo'shilib vaziyatlar yaratdi, o'yinimizni kuchaytirdi.
- Sovrinli o'rinlar uchun imkoniyat bor deb hisoblaysizmi?
- Albatta, chempionat yakuniga qadar imkoniyat bo'ladi. Har bir o'yinda jiddiy kurashsak, natijalarga erishamiz. Maydonga 3 ochkoni ko'zlagan holda chiqishimiz kerak. Himoyada kuzatilayotgan xatolarimiz bor, bu futbolda natijalarning ijobiy bo'lmasligiga sabab bo'ladi. G'alaba qozonish uchun kuchli xohish kerak.
- Bugungi raqib haqida fikringiz?
- Yaxshi shakllangan jamoa. Natija uchun oxirigacha kurashadi. Masalan, ushbu mavsumdagi biz bilan o'yinlarda mag'lubiyatga uchramagani ham ko'rsatib turibdi.
Bosh sahifaga
125
