"O'zbekistonga qarshi yaxshi o'yin o'tkazdik. Hisobda ortda borayotganimizga qaramay, asosiysi, shijoatni yo'qotmadik va intilishda davom etdik. Natijada o'z matonatimizni namoyish etib, dastavval hisobni tenglashtirdik, so'ngra g'alaba to'pini kiritdik. Biz qoyilmaqom ishni uddaladik, yani pley-off yo'llanmasini qo'lga kiritdik. Butun jamoa xursandchiligining cheki yo'q.
O'ylashimcha, O'zbekiston hissiyotlarga juda beriluvchan jamoa ekan. CHunki ular 3:2 hisobida oldinda borayotgandi. Biz hisobni tenglashtirgach, mezbonlarda sarosima yuzaga kela boshladi. Bu esa raqib darvozasi tomon yo'l topishimizda kalit vazifasini bajardi va biz yana ikkita gol urdik.
Keyingi bosqichda biz qaysidir guruh g'olibi bilan to'qnash kelamiz. Albatta, bu bahs bizga etarlicha qiyinchilik tug'diradi. Ammo bugungi uchrashuvda bo'lgani kabi g'alaba qozonish uchun bor imkoniyatlarimizni ishga solamiz", dedi jamoasining to'rtinchi goli muallifi.
Eslatib o'tamiz, Kosta-Rika "A" guruhida 3-o'rinni egallagan holda nimchorak final yo'llanmasi sohibiga aylandi. Lotin Amerikasi mamlakati nimchorak finalda "B" yoki "C" guruhi g'oliblaridan biriga qarshi maydonga tushadi.
Oqil Abdubarnoev suhbatlashdi.
Bosh sahifaga
88
