"O'zbekistonga qarshi qiyin o'yin bo'lishini bilardik. CHunki raqib jamoa butun zalni to'ldirib o'tirgan muxlislari qarshisida saf tortgandi. Hatto muxlislar armiyasi sevimli jamoasi hisobda oldinda borayotganda, bosimni kuchaytirganiga qaramay, biz bularning barchasiga tayyor edik. Umuman olganda, jahon chempionatiga tashrif buyurganimiz va pley-off yo'llanmasini qo'lga kiritganimizdan behad mamnunmiz.
Biz har bir raqibni sinchiklab o'rganamiz. Ularning zaif va kuchli tomonlarini bilish uchun o'yinlar videolarini tomosha qilamiz. SHu jumladan, O'zbekistonning kuchli va ojiz tomonlarini o'rganib chiqib, ularga qarshi taktik ishlanmalar tuzdik. SHu bilan birga, raqib darvozasiga yo'l topishning qulay usullarini bilardik. SHu tufayli ular bizga jiddiy zarar etkaza olmadi.
Keyingi bosqichdagi raqibimiz ertaga malum bo'ladi. Biz eng yaxshi uchinchi o'rinni egallagan jamoa bo'lib turibmiz. Nimchorak finalda qaysidir guruh g'olibi bilan to'qnash kelamiz, shu bois, jiddiy qarama-qarshilikka yo'liqishimiz aniq. Biroq keyingi bosqichda ham hamma narsa bo'lishi mumkin", dedi Gomes.
Eslatib o'tamiz, Kosta-Rika "A" guruhida 3-o'rinni egallagan holda nimchorak final yo'llanmasi sohibiga aylandi. Lotin Amerikasi mamlakati nimchorak finalda "B" yoki "C" guruhi g'oliblaridan biriga qarshi maydonga tushadi.
Oqil Abdubarnoev suhbatlashdi.
Bosh sahifaga
401