O'yin haqida
- Bugungi o'yin biz uchun og'ir o'tishini bilardik. Ayni damda turnir jadvalidagi holat bo'yicha ruhiy bosim jamoamizga o'z tasirini ko'rsatmasdan qolmayapti. Biz buni tushunib turibmiz.
Bugungi uchrashuvda raqibga bo'sh xududlarni qoldirmaslik uchun harakat qildik. Yigitlar yurakdan o'ynashdi, biz biz jamoamiz. Kimdir asosiy tarkibda tushadi, yana kim zaxirada qolgan, yoki Toshkentda, umumiy bir jamoamiz. “Bunyodkor” jadvalda quyi pog'onalarda borayotganiga qaramasdan bugun juda yaxshi o'ynadi. Albatta, biz, murabbiylar shtabi bundan juda xursandmiz.
- “Bunyodkor” ketma-ket 2 ta safar uchrashuvida g'alabaga erishdi. Jamoani qiyin vaziyatda o'yinlarga qanday tayyorlayapsiz?
- Bizning oldimizdagi muhim vazifa g'alaba va turnir jadvalidagi o'rnimizni yaxshilash. Har bir o'yin oxirgi imkoniyat bo'lib qolishi ham mumkin. Natijalar juda qiyin qo'lga kiritilayapti. Yigitlar bilan jiddiy ishlayapmiz. G'alabalar ketma-ketligi biz uchun muhim edi. Kemani hamma birgalikda tortishi kerak, bunda jamoaviylik juda muhim.
- Jamoani Superligada saqlab qolish vazifasi qo'yilganidan kelib chiqib, o'yin uslublarini tanlayapsizmi?
- Murabbiylar shtabi bilan futbolchilarda kurashuvchan xarakterni shakllantirishni maqsad qilganmiz. Qaysi jamoa bilan o'ynasak, o'sha jamoa o'yiniga qarshi tura oladigan uslubni tanlay olishimiz kerak. Misol uchun, “Surxon” va “So'g'diyona” birinchi davraning eng chiroyli o'yin ko'rsatgan jamoalardan edi. Bugungi o'yinda ham qiyin bo'lishini bilardik. Jarayondan kelib chiqib, bazan hujumga o'tdik, bazida himoyalandik va omadimizni qarshi hujumlardan izladik. Natija qoladi, hozir bu biz uchun juda muhim.
Bosh sahifaga
346