"Marokashga qarshi juda qiyin o'tkazdik. Sababi, raqib yuqori saviyali jamoa edi. Biroq ustunligimizni namoyish etgan holda g'alaba qozona oldik.
Garchand yirik hisob qayd etilgan bo'lsa-da, guruh bosqichidagi eng qiyin o'yinimiz shu edi. Sababini yuqorida takidlab o'tdim. O'ylashimcha, g'alabaga munosib harakat qildik.
Nimchorak finaldagi raqibimiz Qozog'istonni tariflashga hojat yo'q. Ular pley-off bosqichida doimiy qatnashib keladi. Qolaversa, kuchli jamoalarni mag'lub etish tajribasiga ega. Biz ular bilan so'nggi jahon chempionatining yarim finalida to'qnash kelib, penaltilar seriyasidagina ustun kelgandik. Bu safar esa kamroq kuch sarflab, o'yinni penaltilarga qadar olib bormasdan, zafar quchishga harakat qilamiz. Nima bo'lishini vaqt ko'rsatadi.
Turnirda favoritlar ko'p, jumladan, Braziliya, Ispaniya va Eron terma jamoalarini tilga olish mumkin. Biz o'zimizni favorit sifatida ko'rsatishni xohlamaymiz, balki shunchaki chempionlik uchun kurashuvchi jamoa deya bilishlarini xohlaymiz, chunki bizning mentalititimiz shunday. Hammasiga bosqichma-bosqich erishiladi", dedi birinchi gol muallifi.
Eslatib o'tamiz, Portugaliya guruhdagi barcha o'yinda g'alaba qozonib, peshqadam sifatida nimchorak final yo'llanmasini qo'lga kiritdi. Ushbu bosqichda Xorxe Braz shogirdlari Qozog'iston bilan to'qnash keladi.
Oqil Abdubarnoev suhbatlashdi.
Bosh sahifaga
118
