Championat.asia sayti talqiniga ko'ra 19-turning eng yaxshi darvozaboni – Rahimjon Davronov ("Metallurg")
"Metallurg" bu tur o'z maydonida (Olmaliqda) amaldagi mamlakat chempioni "Paxtakor"ni qabul qildi va mavsumdagi birinchi g'alabasini tantana qildi - 3:2. Uchrashuv davomida bekobodliklar posboni Rahimjon Davronov jamoasini muqarrar gollardan qutqarib qoldi. To'g'ri darvozabon shu kuni 2ta gol o'tkazdi, ammo uning seyvlari bo'lmaganida "Metallurg" yirik hisobda mag'lub bo'lardi. SHu tariqa Davronov turning eng yaxshi posboni sifatida etirof etildi.
Championat.asia sayti talqiniga ko'ra 19-turning eng yaxshi murabbiyi – Grigoriy Kolosovskiy ("Metallurg")
"Metallurg" 2016 yildan buyon birinchi marta "Paxtakor"ni mag'lub eta oldi. Bekobod klubi bu mavsum o'zining birinchi g'alabasini aynan shu turda qo'lga kiritdi. Grigoriy Kolosovskiy boshchiligidagi "Metallurg" amaldagi chempiondan 3 ochko tortib oldi va aynan u turning eng yaxshi murabbiyi deb topildi.
Championat.asia sayti talqiniga ko'ra 19-turning eng yaxshi futbolchisi – Javohir Sidiqov ("Nasaf")
Peshqadam "Nasaf" bu tur Qarshida ikkinchi o'rindagi OKMKni qabul qildi va 2:0 hisobida g'alaba qozondi. SHu kuni "ajdarlar" safida Javohir Sidiqov ikkita gol urishga erishdi. Dastlab CHolovich uzatgan to'pni boshi bilan darvozaga yo'llagan bo'lsa, ikkinchi taymda belgilangan penaltini "Panenka" uslubida amalga oshirdi. Aynan Sidiqov saytimiz talqiniga ko'ra 19-turning eng yaxshi futbolchisi deb topildi.
Championat.asia sayti talqiniga ko'ra 19-turning eng chiroyli goli muallifi – Marko Milichkovich ("Metallurg")
"Metallurg"ning "Paxtakor" ustidan qozongan g'alabasiga Marko Milichkovichning so'nggi soniyalarda urgan supergoli sabab bo'ldi. Bahsning 90+8-daqiqasida SHaykulovning uzatmasidan keyin Milichkovich maydon markaziga yaqin joydan to'pni darvozaga aniq yo'lladi va g'alaba golini urdi. Aynan legioner tomonidan urilgan gol championat.asia sayti talqiniga ko'ra turning eng chiroyli goli deb topildi.
Bosh sahifaga
760