"Bugun qiyin o'yin o'tkazdik, sababi futzal olamizda o'z o'rniga ega Ukrainaga qarshi maydonga tushgandik. Ular Evropaning eng kuchli jamoalaridan biri sanaladi, qolaversa, raqib jamoada tajribali, individual xislatlarga ega futzalchilar bisyor. Bizda esa professionallik ularning darajasidek emas. O'yin davomida birga-bir vaziyatlardan foydalana olmadik. Raqib jamoaning tajribasi o'z so'zini aytdi. Ukraina g'alabaga loyiq edi.
Har qanday futzalchi uchun jahon chempionatida ishtirok etish katta orzu sanaladi. Ayniqsa, biz uchun. Sababi 24 yil deganda mundialda qatnashish baxtiga musharraf bo'ldik. Boshqa orzularimiz ham bor edi, jumladan, dunyoning eng kuchli sakkiz jamoasi orasida bo'lishni xohlagandik. Afsuski, bu amalga oshmadi. Hozir juda tushkun kayfiyatdamiz. Ammo ertadan xatolarimizni ko'rib chiqib, keyingi turnirlarga tayyorgarlikni boshlaymiz. Umuman olganda, jahon chempionati yaxshi tashkillashtirilibdi. Mundial o'z mahoratiningizni ko'rsatish imkonini beradigan eng yirik musobaqa hisoblanadi", dedi Niderlandiyaning yagona goli muallifi.
Eslatib o'tamiz, Niderlandiya "A" guruhida ishtirokini boshlab, 2-o'rin bilan 18 final yo'llanmasini qo'lga kiritgandi.
Oqil Abdubarnoev suhbatlashdi.
Bosh sahifaga
342