Andrii Melnik: "To'g'risini aytsam, guruh bosqichidan keyin muxlislar ancha kam bo'ladi deb o'ylagandim, ammo bugun hayratda qoldim"

"Bugun juda qiyin o'yin o'tkazdik. Nihoyat, murabbiy yuqori darajada o'ynay olishimni isbotlashim uchun imkoniyat berganidan xursandman. 

Jamoamizda har bir o'yinchi o'z oldiga yuksak maqsad qo'yadi, jamoaviy vazifamiz esa g'alaba qozonishdan iborat. 

Bugungi ikki golimni rafiqam va farzandimga bag'ishlayman.

To'g'risini aytsam, guruh bosqichidan keyin muxlislar ancha kam bo'ladi deb o'ylagandim. Ammo bugun ularning soni avvalgidan ham ko'p ekanligi meni hayratda qoldirdi. Ishqibozlarimizning qo'llab-quvvatlovi bizga qo'shimcha kuch bag'ishlaydi. 

Bizning vazifamiz har bir o'yinda g'alaba qozonish va buning uchun bor kuchimizni ishga solib, har bir uchrashuvni final kabi o'tkazamiz", dedi dubl muallifi.

Eslatib o'tamiz, Ukraina chorak finalda Ispaniya — Venesuela juftligi g'olibi bilan to'qnash keladi.

Oqil Abdubarnoev suhbatlashdi.