"Nepalga qarshi o'yin yaxshi o'tdi. Rejalarimizni barchasi amalga oshdi. Birinchi o'yin bilan taqqoslaganda deyarli butun tarkibni almashtirdik, chunki har ikki kunda maydonga tushyapmiz. Ikkita o'yinda ikki xil tarkib bilan harakat qildik va bu o'yin sifatiga tasir qilgani yo'q. Kambodja bilan ham, Nepal bilan ham maydonga tushgan futbolchilar o'zlarining eng yaxshi sifatlarini ko'rsatishga harakat qilishdi. Bizning yigitlar Nepal futbolchilaridan aqlliroq, texnik jihatdan kuchliroq va tezroq ekani ko'rinib turdi.
Oldinda asosiy o'yinlar kutib turibdi. Mezbon Xitoy Taypei, keyin Bahrayn bilan bahslarga tayyorgarlikni boshlab yubordik. Bo'shashishga haqqimiz yo'q", - dedi Farhod Nishonov championat.asia saytiga.
Eslatib o'tamiz, O'zbekiston U-20 terma jamoasi navbatdagi bahsni 27 sentyabr kuni Xitoy Taypeiga qarshi o'tkazadi. O'zbekiston ikkita o'yinda 6 ochko to'plab guruhda yakka peshqadam bo'lib turibdi.
Bosh sahifaga
378