"Ko'pgina o'yinchilar to'g'ri gaplarni aytishdi va menimcha, kimdir buni aytishi muhim. O'yinchilar birinchi navbatda gapirishlari kerak va aslida juda ko'p o'yinlar mavjud. Muxlislar imkon qadar ko'p o'yin emas, sifatli o'yin ko'rishni istaydi, hech kim jarohatlar bilan kurashayotgan futbolchilarni ko'rishni istamaydi. Haqiqatan ham o'yinlar ko'p, safarlar ko'p, shuning uchun o'zimiz haqimizda qayg'urishimiz lozim. Bazan bu oson emas. SHunday paytlar bo'lad, siz jismonan yoki ruhiy jihatdan tayyor bo'lmaysiz va maydonga tushganingizda jarohat olish xavfi ortadi.
Biz robot emasmiz, shuning uchun o'yinlar sonini kamaytirib, sifatini oshirish kerak deb o'ylayman. Menimcha, bu maqsadga aylanishi kerak. Ishimiz ko'p, o'yinlar soni esa ortib bormoqda. Masalan, "Siti" yakshanba va seshanba kunlari o'ynadi. Bu erda hatto moslashuvchanlik ham yo'q. Balki o'yinni seshanbadan chorshanbaga ko'chirishimiz mumkin, ammo bu ham echim bo'lolmaydi. O'ylaymanki, bu haqda bejiz gapirmayapmiz, hozirgi holatda hamma jarohat olishi ehtimoli yuqori. Menimcha, bu adolatsizlikdir", – dedi Son.
Eslatib o'tamiz, "Manchester Siti" vakili Rodri Ernandes taqvim zichligi tufayli futbolchilar ish tashlashi mumkinligi haqida xabar bergan edi.
Bosh sahifaga
100
