"Biz uchun finaldan oldingi final bo'ldi. Biz eng maksimal o'yinimizni namoyish etdik. Fikrimcha biz g'alabaga loyiq edik, ayniqsa kuchli himoya chizig'imiz bunga sabab bo'la oldi. Keyingi uchrashuv haqida ham o'ylashimiz kerak. Franciya terma jamoasi mundiallarda birinchi marotaba ishtirok etayotganiga qaramay, jiddiy natijaga erishishga ulgurdi", - deya fikr bildirdi Nikolas Sarmiento.
"Qiyin uchrashuv o'tkazdik. Qozog'iston dunyodagi eng kuchli terma jamoalardan biri ekanligini isbotladi. Mening fikrimcha keyingi uchrashuv ham bugungi bahsdek qiyin kechadi. Franciya terma jamoasi ushbu mundialda barchani hayratga solmoqda", - dedi Klaudino.
"Biz musobaqadagi eng qiyin uchrashuvni o'tkazdik va Qozog'iston mundialda davomida biz to'qnash kelgan eng kuchli jamoa edi, lekin biz juda yaxshi va tartibli o'yin namoyish etdik va g'alaba qozondik. Eng muhimi musobaqadagi yurishimizni davom ettirish", - dedi Bolo Alemani.
"Musobaqaning eng qiziqarli uchrashuvlaridan biri o'tkazildi. Arenada bo'sh o'rindiq topa olmadim, muxlislarning katta qismi raqib jamoani qo'llab quvvatlaganiga qaramay, muxlislar bilan to'lgan arena o'ynash juda yoqimli. Biz kuchli raqibga qarshi yaxshi tayyorgarlik ko'rgandik va bu bizga ish berdi. Dunyoning eng yaxshi darvozabonlaridan biri Igitaga qarshi o'ynash oson emasligini o'zingiz ko'rdingiz. Keyingi bosqich - yarim final. Final yo'llanmasi uchun kechadigan bahsda Franciya terma jamoasi bizga raqiblik qilishini hozirgina bilib oldim. Francuzlarni o'rganib chiqamiz va ularga qarshi ham shunday yaxshi va chiroyli o'yin namoyish etamiz degan umiddaman", - deya fikr bildirdi Pablo Taborda.
"Biz individual jihatlama juda kuchli jamoaga qarshi o'ynadik. Igitaning o'zi jamoa qanchalik tajribali futzalchilarga ega ekanligiga isbot bo'la oladi. Biz o'yin davomida asosan himoyalandik, ammo kerakli vaziyatlarda hujumga o'ta oldik. Aqlli o'yin namoyish etganimiz sabab g'alaba qozona oldik deb o'ylayman. Nimchorak final bosqichidan boshlab, mag'lub bo'lgan jamoalar uylariga jo'nab ketishmoqda. Biz esa ushbu musobaqa imkon qadar uzoqroqqa bormoqchimiz. Yarim finalda har bir xatoning ahamiyati juda katta bo'lishi aniq", - deydi Kevin Arrieta.
Abdulvosit Bektemirov suhbatlashdi
Eslatib o'tamiz, Argentina yarim finalda Franciyaga qarshi bahs olib boradi. Uchrashuv 3 oktyabr kuni soat 20:00da "Humo Arena"da o'tkaziladi.
Bosh sahifaga
317