"Bu bizning eng yaxshi o'yinimiz emas edi, ammo o'yin g'alati hodisalar bilan o'tdi. O'yindan tashqari holat va penalti. Ushbu gollarni hisoblashdi, bilmadim, balki VAR vaziyatni boshqacha ko'rgan bo'lsa kerak. Men ko'rgan takrorda o'yindan tashqari holat bor edi. Hisobni tenglashtirib oldik va o'yindagi ustunlik biz tomonga o'tishi kerak edi, lekin yo'q joydan yana penalti.
Uchinchi goldagi vaziyatda, 99-raqamli futbolchi ofsaydda edi, ammo u to'pga harakatlanmoqda. To'p uning yonidan o'tib ketdi va himoyachining qo'liga tegdi. Juda bahsli holat. O'yin shunday tus oldi va yakunda 2:4 hisobida mag'lub bo'ldik. SHuningdek, VAR tekshiruvi uchun bo'lgan pauzalar, hakam futbolchilar bilan suhbatlashdi. Bularning barchasi o'yin tempiga tasir qildi. To'xtalishlar muxlislarga qiziq bo'lgan bo'lishi mumkindir, ammo bizga hech qanday keragi yo'q edi", - deya fikr bildirdi Vadim Abramov.
- "Dinamo"ning bugungi o'yinga tayyorlagan rejasi qanday edi? Sababi jamoangiz ikkita golini ham "Paxtakor"ning xatolaridan so'ng urdi. "Paxtakor"ning paslarini olib qo'yish va jamoani ko'proq xatoga majbur qilish rejangizda bormidi?
- Biz "Paxtakor"ni o'rganib chiqqandik. Afsuski, bizda tarkib bilan muammolar bor edi, ushbu kamchiliklarimizni imkon qadar berkitishga harakat qildik. Raqibimiz OCHLda o'yin o'tkazgani ham o'z tasirini o'tkazganini bilardik. Birinchi bo'limda shunday o'ynash rejamiz, ammo ikkinchi bo'limda o'yinimizni kuchaytirishimiz kerak edi. Afsuski, qanday gollar o'tkazib yuborganimizni o'zingiz ko'rdingiz.
- "Dinamo" jamoasi uzoq masofadan yaxshi zarba berishi va ushbu usulni ko'p qo'llashini bilamiz, biroq jamoangiz bugun jarima maydonchasi tashqarisidan deyarli zarba bermadi. Yagona xavfli zarbani Hislat Halilov o'yin so'ngida amalga oshirdi. Bugun jamoangiz uzoqdan kam zarba berganiga nima sabab bo'ldi?
- Bunga bir nechta sabab bor. Har bir jamoa raqib qanchalik o'ynashga qo'yib berganidan kelib chiqib o'yin namoyish etadi. "Paxtakor" ham bizning ustun tomonlarimizni o'rganib chiqqani aniq edi. Umumiy qilib olsak, biz to'pni yaxshi ushlay olmadik. Uzoq masofadan zarba bermaganimiz asosiy sabab bo'la olmaydi. Bugungi o'yinimiz menga umuman yoqmadi. Balki o'yin soat 14:00da o'tkazilgani o'z so'zini aytgandir.
- "Dinamo" himoyachilarining bugungi o'yiniga baho berib o'tsangiz? To'g'ri, bahsli vaziyatlar ko'p bo'ldi, ammo himoyachilar ham ko'p xatolarga yo'l qo'yishdi va yo'q joydan gollar o'tkazib yuborishdi.
- SHubhasiz, buning barchasi o'yin sifatiga o'z tasirini o'tkazdi. Birinchi pasning yo'qligi juda pand berdi. Himoyachilarimiz to'psiz ko'p yugurishlari kerak edi. Hujumchilarimizga ham to'p juda kech etib bordi. Bularning barchasi yakuniy natijaga tasir ko'rsatdi.
- Hislat Halilov so'nggi uchrashuvlarda juda yaxshi o'yin namoyish etmoqda, ammo u asosiy tarkibdan joy olmayapti. Buning sababi nimada? Halilov uchrashuvni birinchi daqiqalardanov boshlashi uchun nima etishmayapti?
- Har bir o'yinga reja tuzib chiqamiz. SHu rejaga ko'ra ish tutamiz va Hislatning eng kuchli jihatlaridan imkon qadar yaxshiroq foydalanish asosiy maqsadimiz. U zaxiradan maydonga tushib, o'yinni kuchaytirib yubora oladigan sanoqli futbolchilardan biri. O'yinga qo'shilib keta oladigan futbolchilar juda kam. Halilov himoyada yaxshiroq o'ynashni o'rganishi kerak. Ushbu jihat ustida yaxshiroq ishlasa, boshqa darajali futbolchiga aylanadi.
- Joel Kojoning yo'qligi jamoangizga qanchalik qiyinchilik tug'dirdi?
- Tasirini o'tkazdi, lekin u siz ham bugun yomon o'ynadik. Kojo maydonda bo'lganida "Paxtakor" himoyachilariga qiyinroq bo'lardi. Bilmadim, bu haqda fikr bildirish noto'g'ri.
- So'nggi uchta o'yinda jamoangiz darvozasiga uchta 11 metrlik zarba belgilandi. Ushbu holatga izoh berib o'tsangiz?
- Har doimgidek. Biz hech qachon penalti tepmaymiz, bizning darvozamizga esa tepishadi. O'tgan turdagi Kojoga nisbatan fol bor edi va penalti belgilanishi kerak edi. Bunday vaziyatlarda qanday penalti belgilashmaydi, bilmadim to'g'risi. Takrorlarni ko'rib chiqaman va qanday qilib penalti belgilanmaganligiga hayron qolaman. Men balki futbolni yaxshi tushunmasdirman. O'sha vaziyatda raqib futbolchisi umuman to'pga o'ynamagandi-ku. Birinchi davradagi "Paxtakor"ga qarshi o'yinimizda ham bizning darvozamizga "dahshatli" penalti belgilashgandi. To'p futbolchining jimjilog'iga tegib ketgani uchun 11 metrlik zarba tayinlangandi. Hech kim tushunmay qolgandi, nega bunday qaror qabul qilinganiga. VAR ham o'sha vaziyatni yarim soat davomida tekshirib chiqqandi. O'zingiz ko'ryapmiz, so'nggi uchta o'yinda uchta penalti. Tushunarsiz holat. Balki "Paxtakor" nomi futbolchilarimga noto'g'ri tasir qilgandir.
- Keyingi uchrashuv "Navbahor"ga qarshi FIFA kunlari doirasida bo'lib o'tadi. Hujum chizig'i etakchisi Joel Kojo katta ehtimol bilan Qirg'iz Respublikasi terma jamoasiga jalb etiladi. Kojosiz o'ynash qiyin bo'lmaydimi?
- Biz "Navbahor"ning iltimosiga yo'q demadik va ularnig taklifiga rozilik bildirdik. Ularda Kubok bahsi bor edi. Biz Kojosiz ham o'ynagandik. Kojo qishdagi yig'inni o'tkazib yuborgandi. "Navbahor" tarkibidagi ko'pgina futbolchilar ham terma jamoaga chaqirilishi aniq. Bu normal holat. Bir futbolchiga bog'lanib qolgan jamoani professional jamoa deb qabul qilish noto'g'ri.
Bosh sahifaga
93
