"Raqiblarni hurmat qilgan holda aytishim mumkinki, qura tashlangan paytda shu o'yinlarni ko'proq kutgandik, biz ham, muxlislar ham. Xudo xohlasa, shu kunlar keldi. Hamma yaxshi kayfiyatda va bolalar birma-bir etib kelishyapti. Yigitlar oldingi yig'indan ko'ra yaxshiroq formada, chunki aksariyat futbolchilar klublari safida o'yinlarda qatnashmoqda. Hamma bolalar tayyor deb ayta olaman. BAA bilan o'yinda ko'proq Braziliyaga qarshi o'ynaymiz desak ham bo'ladi. CHunki ularda aslida braziliyalik, ammo mahalliylashtirilgan futbolchilar to'p tepishmoqda.
Eron terma jamoasini kuchsiz deb aytolmayman, lekin ular bizni qattiq hurmat qiladi, biz ularni bunga majbur qildik deb aytolaman. Xudo xohlasa, Eron bilan bahsda chiroyli o'yin ko'rsatib, uyimizda 3 ochkoni qo'lga kiritishga harakat qilamiz.
Terma jamoa bosh murabbiyi bilan bunday holat ro'y berishi birinchi marta emas. Buni oldindan bilardik. Bazida sal mazasi bo'lmay turadi. Futbolchilar bu kabi holatlarga tayyor, chunki 3 yildan beri birga ishladik. U bizdan nimani xohlashini juda yaxshi bilamiz. O'ylashimcha, hozirgi vaqtda terma jamoada Srechko Katanec bo'lmasa-da, u bizdan nimani talab qilishini tushunib o'ynaymiz. Bolalar buni avtomatik ravishda amalga oshiradi. Terma jamoaga kimnidir olib kelish kerak deyilsa, bunga qarshilik qilaman. Biz oldin gol urolmagan va yutolmagan termalarga qarshi munosab o'ynab, kerakli natijaga erishib kelmoqdamiz deb o'ylayman. Katanec oldimizda bo'lmasa-da, u biz bilan doimiy aloqada", – dedi Masharipov.
Eslatib o'tamiz, O'zbekiston JCH-2026 uchinchi saralash bosqichi 3-turi doirasida Eronga qarshi bahs olib boradi. Bellashuv 10 oktyabr kuni "Bunyodkor" stadionida 19:00 da boshlanadi.
Timur Kapadze: "Srechko Katanecga sog'liq tilaymiz. O'ylaymanki, assistentlar bu vaziyatdan chiqib ketadi"
Bosh sahifaga
164
