"Franciyaga qarshi o'yin juda qiyin o'tdi. Garchi hisob yirik bo'lsa-da, bellashuv 4 yoki 5-golga qadar biz uchun juda qiyin o'tdi. Unga qadar natijani saqlab qolishga va vaziyatlardan unumli foydalanishga harakat qildik.
Bu g'alaba bizdan ko'ra mamlakat uchun muhimroq. Bilasizmi, bugun, aynan bugun mening ona shahrim Kievda trevoga elon qilindi va shahar 5 soat davomida o'qqa tutildi. Ko'p portlashlar bo'ldi. Butun Ukraina raketalar va dronlar tahdidi ostida edi. Va bu nafaqat bugun, balki ikki yildan ortiq vaqtdan beri sodir bo'lmoqda. Yana bir bor takidlayman, mazkur g'alaba bizdan ko'ra mamlakat uchun muhimroq. CHunki biz hozir shunday vaziyatdamizki, oldingi safdagi jangchilarimizga ijobiy his-tuyg'ular kerak bo'ladi.
Jahon chempionati haqida taassurotlarimni so'z bilan ifodalay olmayman. Bu biz uchun aql bovar qilmaydigan jarayon. O'ylaymanki, mundialda nimalar qilganimizni anglagunimga qadar biroz vaqt kerak bo'ladi", dedi bugungi o'yindagi dubl muallifi.
Eslatib o'tamiz, Ukraina jahon chempionatida bronza medallarini qo'lga kiritib, o'z tarixidagi eng yaxshi natijasini qayd etdi.
Oqil Abdubarnoev suhbatlashdi.
Bosh sahifaga
164
