"Argentinaga qarshi juda qiyin o'yin o'tkazdik. Raqib juda kuchli jamoa edi. O'ziga xos klassiko guvohiga aylandik. Eng muhimi, O'zbekistonni jahon chempioni sifatida tark etyapmiz.
"Oltin butsa"ni qo'lga kiritish men uchun juda katta baxt. Bu mening eng katta orzularimdan biri edi va amalga oshdi. Undan ham yuqorisi, albatta, chempion bo'lish edi. Ikki karra baxtliman.
Braziliya terma jamoasining har avlodi kuchli va o'ziga xos bo'lgan. Biz bu mintaqada ikki oy yashadik: bir oy tayyorgarlik va bir oy mundial. SHu tariqa, barchasi ajoyib yakun topdi", dedi Marsel.
Eslatib o'tamiz, Braziliya terma jamoasi o'z tarixida oltinchi marotaba jahon chempioni bo'ldi.
Marsel esa 10 ta gol bilan jahon chempionati to'purariga aylandi.
Oqil Abdubarnoev suhbatlashdi.
Bosh sahifaga
177
