Mazkur bahsni avstraliyalik SHon Evans boshchiligidagi hakamlar boshqarib borishadi. 36 yoshli referi 2017 yildan buyon FIFA hakami hisoblanadi. U bugunga qadar O'zbekiston milliy terma jamoasi ishtirokidagi faqat bitta uchrashuvda bosh hakam bo'lgan.
2018 yil 15 noyabr kuni Ektor Kuper boshchiligidagi O'zbekiston terma jamoasi Avstraliyada Livan terma jamoasiga qarshi o'rtoqlik uchrashuvi o'tkazgandi. Aynan o'sha o'yinda SHon Evan boshchiligidagi hakamlar ishlashgandi. Bosh hakam 24 va 59-daqiqalarda Davron Hoshimovga sariq kartochka ko'rsatib maydondan chetlatgandi. Bugungi kunda terma jamoamiz tarkibidagilardan Otabek SHukurov va Odil Hamrobekov o'sha uchrashuvda asosiy tarkibda maydonga tushishgan. Azizbek Turg'unboev zaxiradan maydonga tushgan bo'lsa, O'tkir Yusupov va Eldor SHomurodov zaxirada qoldirilgandi.
O'zbekiston - Eron
10.10.2024. Toshkent, "Bunyodkor" stadioni. 19:00
Hakamlar: SHon Evans, Jorj Lakrindis, Ouen Goldrik, Jon Elder (barchasi Avstraliya).
VAR: Jorj King (Avstraliya).
Bosh sahifaga
129
