Vlado Radmanovich: "Katanec bilan o'yin davomida doimiy aloqada bo'lamiz"
"Eronga qarshi o'yindan oldin ko'p gapirish shart emas. Aytilganidek ular ham bizni bilishadi, biz ham ularni yaxshi bilamiz. Umid qilamizki ertaga barchasi biz o'ylagandek bo'ladi deb o'ylayman. O'z vatanimizda muxlislar bilan g'alabani nishonlashga harakat qilamiz", - dedi Masharipov.
- Siz Eron chempionatida o'ynaysiz, ularning kuchsiz tomonlari nimada?
- Hozir bu haqda gapirish to'g'ri emas, sababi xonada eronlik jurnalistlar ham bor. SHu sabab raqibning kuchli va kuchsiz tomonlari haqida bu erda gapirmayman. O'yinga o'z rejamiz bor va o'sha rejani amalga oshirishga harakat qilamiz.
- Eron terma jamoasi safidagi ko'plab legionerlar BAA chempionatida o'ynashmoqda, oldingi yillardagidek kuchli ligalarda o'ynayotgan legionerlar yo'q. Mehdi Taremi "Inter" zaxirasida o'tiribdi. Bizda esa Abduqodir Husanov Franciyada o'ynamoqda, Turkiya, Saudiya Arabistoni chempionatida o'ynayyotgan futbolchilarimiz bor. Nima deb o'ylaysiz hozirgi kunda O'zbekiston tarkib bo'yicha kuchliroq deb o'ylaysizmi?
- Eron futbolchilari ham juda kuchli, lekin BAA chempionatiga borgan futbolchilar futbol uchun bormagan deb o'ylayman. Buni barcha tushunib turibdi. Bizda esa hozir juda yaxshi kollektiv yig'ilgan.
- O'zbekiston terma jamoasi safida individiual futbolchilar juda ko'p. KXDR va Qirg'iziston bilan o'yinlarda ham individual gollarni ko'rdik. Eronga qarshi o'yinda ham individual jihatdan ulardan ustun kela olamizmi?
- KXDR bilan o'yinda individual gol urdim deb o'ylaymayman, chunki etibor qilsangiz gol himoyadan boshlagandi. Bu hammasi mashg'ulotda ishlangan. Qaytaraman hozirgi kunda bizda kuchli kollektiv yig'ilgan. Ertaga buni maydonda ko'rsatishga harakat qilamiz.
Bosh sahifaga
2725