"Barchaga xayrli kun. Ertaga Jahon chempionati saralashi doirasida Eronga qarshi o'ynaymiz. Juda qiyin o'yin bo'ladi, sababi Eron kuchli terma jamoalardan biri. Bu jamoaga qarshi uch marta maydonga tushishga ulgurdik. Ikkala jamoa bir birini yaxshi biladi. Bo'lajak bahsda bosh murabbiy Srechko Katanec qatnasha olmaydi. Ammo biz yordamchilari uning yo'qligini bilintirmaslikka harakat qilamiz", - dedi Vlado Radmanovich.
- Ertaga o'z uyimizda o'ynaymiz, shunday ekan hujumkor o'ynaymizmi yoki ehtiyotkor harakat qilamizmi?
- Taktik tayyorgarligimiz haqida gapirsak bugun bo'ladigan so'nggi mashg'ulotdan keyin qaror qabul qilamiz. Futbolchilarning holatini ko'ramiz va hujumkor yoki himoyaviy o'ynaymizmi ko'ramiz. Balki ertaga biz 3 markaziy himoyachi bilan o'ynarmiz, balki 2 markaziy himoyachi bilan harakat qilarmiz. Balki 2 hujumchi bilan o'ynarmiz.
- Oston O'runovning holati qanday?
- Menimcha barchasi joyida, u o'yinga tayyor.
- O'tgan oydagi Qirg'izistonga qarshi o'yindan keyin asosiy muammolardan biri sifatida etakchi futbolchilarning klublaridagi kam o'yin amaliyotga ega bo'lishganini aytgandi. Bu oy o'zgarish bo'ldimi?
- Albatta o'zgarishlar bo'ldi, Otabek SHukurov masalan yangi klubga o'tdi va ko'proq o'ynamoqda. Boshqalar ham shunday, umuman olganda tarkibdagi barcha yigitlar ertangi o'yinga to'liq tayyorlar.
- Bugungi kunga kelib terma jamoada har bir poziciyada raqobat kuchli, nima deb o'ylaysiz eng kuchli poziciyamiz qaysi?
- Bizda har bir chiziqda kuchli futbolchilar yig'ilgan. Raqobat ham yaxshi darajada. SHu sababli biz futbolchilarimizga ishonamiz.
- Srechko Katanecga sog'lik tilaymiz. Ertaga barchasini bosh murabbiy hal qiladimi yoki Sizlarmi?
- Rahmat. Srechko Katanec bilan doimiy aloqadamiz, asosiy tarkib borasida va taktika borasida u bilan maslahatlashamiz albatta. U bilan videoaloqani ham amalga oshirdik, o'yin paytida ham 90 daqiqa davomida gaplashib turamiz. Agar nimadir yomon ketsa bosh murabbiy bilan darhol gaplashamiz.
Bosh sahifaga
154
