- Guruhdagi eng kuchli ikkita terma o'ynadi. Asosiy vazifa - g'alaba edi. Eronni yutib, muxlislarni xursand qilmoqchi bo'lgandik. Lekin muhimi birinchi o'rinda qoldik. Xudo xohlasa, jahon chempionatiga chiqqunimizcha shu o'rinni ushlab qolmoqchimiz.
- Birinchi daqiqalarda yiqilib tushdingiz-ku, o'shanda inerciya orqali yiqildingizmi yoki kontakt bo'ldimi?
- Kontakt ham bor edi. Lekin bu vaziyatni ko'rishim kerak.
- O'yindan keyin muxlislar bilan tortishib ketdingiz.
- Yo'q, bir muxlis futbolchilarga qarab, ko'p baqirdi. Nega norozi bo'lasizlar, oddiy termaga qarshi o'ynamadik, aksincha bizni qo'llab-quvvatlanglar deb aytdim. CHunki yigitlar bugun 100 foiz borini berdi va poziciyani ushlab qolish uchun qo'lidan kelgancha harakat qildi.
- Bobir Abdixoliqov maydonga tushganida balki termamiz g'alaba qozongan bo'larmidi?
- Xudoni aytgani bo'ladi. Agarda peshonada g'alaba yozilgan bo'lsa, Bobirsiz ham yutgan bo'lardik.
- BAAga qarshi o'yindan nima kutyapsiz?
- SHu kuni ham faqatgina 3 ochko uchun maydonga tushamiz.
- Hakamlik haqida nima deya olasiz?
- O'yin videosini ko'rib chiqishimiz kerak. Bir-ikki vaziyatlarda o'yinni to'xtatganini hisobga olmasak, bugun u o'yinga qo'yib berdi.
- Abbos Fayzullaevning chiqib ketgani qanday qaror bo'ldi?
- Endi kim zaxiraga olinishini biz aytmaymiz. Buni murabbiylar hal qiladi. O'rniga Oston tushdi. Agarda u yuz foiz tayyor bo'lganida termaga katta effekt berardi.
- Srechko Katanec o'yindan oldin onlayn tarzda suhbat olib bordimi?
- Albatta, o'yindan oldin onlayn tarzda barchasini aytib turdi.
Bosh sahifaga
250
