No'mon Hasanov: "Sekin-sekin futbolchilar men xohlagan o'yinni namoyish etishmoqda"

"Zaxiradan atigi bir nafar futbolchi tushirganimizni sababi maydondagi barcha futbolchilar yaxshi harakat qilishyotgan edi. Yaxshi o'ynayotgan futbolchini almashtira olmayman. Boshqa futbolchini tavakkal qilib maydonga tushirishni istamadim. Bo'yi uzun futbolchini maydondan olib, standart vaziyatdan gol o'tkazib yuborishdan qo'rqdim. Maydon markaziga Ibrohimovni tushirishim mumkin edi. Lekin o'yindan avval Javlon tayyor emasligini aytdi. Unda jarohat bor edi.

Sekin-sekin futbolchilar men xohlagan o'yinni namoyish etishmoqda. Bazi futbolchilar ko'rsatmalarimni tezda o'zlashtirmoqda. Bazilari esa sekin o'zlashtirmoqda. Barcha bir xil bo'lmaydi. Har kimning qabul qilishi turlicha. SHuning uchun ayrim futbolchilarni tushirmayapman. Futbolchilar holatini yaxshi bilaman.

Yangi mavsumda ham ko'plab futbolchilarni saqlab qolmoqchimiz. CHunki anchadan beri birga o'ynashadi, bir-birini yaxshi tushunadi va bir-biriga o'rganib qolgan", - deydi No'mon Hasanov. 

Ergashev Asadbek yozib oldi.