Avvalroq "Manchester Yunayted" harajatlarni qisqartirish maqsadida 82 yoshli Fergyusonga klub elchisi sifatida to'lab kelingan ish haqini endi bermasligi malum bo'lgandi. Sobiq murabbiy klubdagi bu lavozimda yiliga 2 million funt ishlab topgan.
"Daily Mail" nashrining yozishicha, klub tarixidagi eng muvaffaqiyatli murabbiy Fergyusondan "Old Trafford" stadionida kiyinish xonasiga kirmaslikni so'rashgan.
MYUdagilar Fergyusonga jamoa kiyinish xonasiga kirish taqiqlanganini rad etishmoqda, ammo klubda aytishlaricha, endi u erga kim kirishi va kimlar kirmasligi haqida yangilangan malumot mavjud. Avvallari Fergyuson o'yinlardan keyin jamoaning kiyinish xonasiga bemalol kira olardi, lekin buni muntazam ravishda amalga oshirmasdi.
Qayd etilishicha, jamoaning kiyinish xonasiga tashriflar o'n yillar davomida "Manchester Yunayted" madaniyatining bir qismi bo'lgan. Fergyuson va uning hamkasblari, futbol kengashi azolari Devid Gill va Mayk Edelson xuddi Ser Bobbi CHarlton va sobiq direktor Moris Uotkins kabi har doim sevimli mehmonlar bo'lib kelishgan.
Bosh sahifaga
156
