"Qiyin uchrashuv bo'ldi, ammo Eronga qarshi uchrashuv bilan solishtirsak bugun yaxshiroq o'ynadik. Pressingimiz yaxshiroq bo'ldi, vaziyatlar yarata oldik. Muhimi, g'alaba qozondik va muxlislarimiz bugungi natijadan qoniqishdi, deb o'ylayman", - deya fikr bildirdi Abbosbek Fayzullaev.
- Ikkita uchrashuvdan beri o'ng qanotda o'ynab kelmoqdasiz. Bu sizga qanchalik noqulaylik tug'dirmoqda?
- To'g'risi, menga chap qanotda o'ynash qulayroq. CHap qanotda qanday o'ynashni sezaman, lekin murabbiyimiz qaysi poziciyani tanlasa o'sha erda maksimal foyda keltirishga harakat qilaman.
- Ikkinchi bo'limda ajoyib vaziyatga ega bo'ldingiz. O'sha vaziyatda siz pas bermoqchi edingizmi yoki zarba?
- To'pni to'xtatib olib, darvozaga zarba bermoqchi edim, lekin raqib himoyachisi to'pni maydondan chiqarib yubordi.
- Jismoniy holatingiz haqida nimalar deya olasiz? Jarohatingiz borligidan xabardormiz. Jarohat bilan o'ynash qanchalik qiyin bo'ldi?
- Bugungi bahsda maydonga tushganimni "kichik mo'jiza" deb atasak bo'ladi. Oyog'im ishib ketgan edi. SHifokorlarimizga rahmat, ularning sayl harakatlari tufayli o'yinda ishtirok eta oldim.
- Keyingi raqibimiz Qatar haqida biroz gapirib o'tsangiz?
- Qatarga yaxshi kayfiyatda boramiz. Safarda bizni qiyin uchrashuv kutib turibdi. Noyabr oyidagi bahslarda 6 ochko to'plashni maqsad qilganmiz. Agar ushbu natijaga erisha olsak, mundial sari juda katta qadam tashlagan bo'lamiz. Bizni qo'llab-quvvatlayotgan muxlislarga rahmat aytaman.
Bosh sahifaga
156
