Germaniya terma jamoasining sobiq hujumchisi "Bild" nashriga bergan intervyusida hamyurtining "murabbiylik yondashuvi" "Barselona"ga juda mos kelishini aytdi.
Birxoffning takidlashicha, Flikning futboli "quvonch va jasoratni ifodalaydi".
"Menimcha, u klubga birdamlik, jamoaviylik tuyg'usini beradi. Klubdagilar o'zini bir oiladek tutmoqda va yoshlarga umid bog'layapti.
"Barselona" moliyaviy bosim tufayli "La Masiya" o'yinchilariga tayanishga majbur. Bularning barchasi Xansiga qo'l keladi", - deb hisoblamoqda Birxoff.
"Oxirgi marta unga ertalab soat 6:30 da qo'ng'iroq qildim, u allaqachon mashg'ulot maydonida edi. Bu uning o'z ishini qanchalik sevishini ko'rsatadi", - dedi Birxoff.
Eslatib o'tamiz, "Barselona" joriy mavsum Flik boshchiligida LaLigada 9 turdan keyin 24 ochko bilan yakka peshqadamlik qilmoqda. Ular asosiy raqobatchilari "Real"dan 3 ochko ilgarilab ketishgan.
Bosh sahifaga
90
