- Olti ochkolik o'yin edi. Hozir bizga har ochko juda zarur, raqib ham huddi shunday holatda. O'yin voqealarga boy bo'ldi deya olmayman. Mening fikrimcha, ikki jamoa ham bugun g'alabaga loyiq o'yin ko'rsatmadi. Jamoamning o'yini haqida gapiradigan bo'lsam, bugun bunday o'yin namoyish etishni reja qilmagandik. Uzoq vaqt davomida chuqur himoyalanishga majbur bo'ldik. Qarshi hujumlarimiz esa xavfli bo'lmadi. Afsuski, yana bir bor chempionat bahslarida g'alaba qozona olmadik, biroq hozirgi holatimizdan kelib chiqib, shuni ayta olamanki, hozir bizga har bir ochko juda qadrli.
- Kubokdagi tarixiy g'alabadan so'ng futbolchilarni bugungi bahsga ruhiy tomonlama tayyorlash qanchalik qiyin bo'ldi?
- Yigitlar chempionatdagi ahvolimizni ko'rib turishibdi. Ular barchasini tushunishmoqda. Bu haqda o'ylagandim, ammo barchasi yaxshi o'tdi. Futbolchilarimdan minnatdorman, bugun ular kurashishdi, lekin bu bizga ochko olib kelmadi.
- Jamoangiz quyi pog'onlarda borayotgani sizni havotirga solmayaptimi?
- G'alaba qozona olmayotganimiz meni tashvifga solmoqda. Bunday muxlislarga ega jamoa ko'proq g'alaba qozonishi kerak. Kubokdagi g'alaba bizning kayfiyatimizga yaxshi tasir o'tkazishi kerak edi. Afsuski, hozir etarlicha yaxshi o'yin namoyish eta olmayapmiz, ayrim bir vaziyatlarda esa omad etishmayapti.
- Oldinda yana beshta uchrashuv bor. Nechta ochko jamoani "o'tish o'yinidan" saqlab qola oladi deb o'ylaysiz?
- Futbolchilar bilan gaplashib olgandik. Biz har bir uchrashuvda maydonga tushib, maksimal imkoniyatlarimizni namoyish etishimiz kerak. Necha ochko to'plashimizning farqi yo'q.
- Kubokdagi g'alabadan so'ng vada qilingan sovrin pullari futbolchilarga berildimi?
- Albatta. Homiyimizga rahmat, viloyat hokimiga ham minnatdorchilik bildiraman. Ularning qo'llab-quvvatlashi bizga yordam bermoqda.
Bosh sahifaga
164
