Saudiya Arabistoni futbol federaciyasi yaqin vaqtlarda italiyalik mutaxassisning istefosini elon qiladi. Manchinining ishdan olinishini Saudiya Arabistoni qiroli tasdiqlashi kerak, jarayon bugungi kun so'nggiga qadar ro'y berishi kutilmoqda.
Manchini istefosining sababi Saudiya Arabistoni terma jamoasining qoniqarsiz natijalari, shuningdek bosh murabbiyning jamoa bilan munosabatlariga putur etgani bilan izohlanmoqda. Federaciya italiyalikning o'rniga "Al Hilol" sobiq murabbiyi Ramon Dias va 2019-2023 yillar Saudiya Arabistoni terma jamoasini boshqargan Erve Renar nomzodini ko'rib chiqmoqda.
Manchini Saudiya Arabistoni termasiga o'tgan yilning avgustida Italiya terma jamoasidan ketgan holda kelgandi. Jamoa uning qo'l ostida Osiyodagi JCH-2026 saralashining so'nggi 4ta o'yinida atigi 1ta g'alabaga erishdi. Terma jamoa 5 ochko bilan o'z guruhida uchinchi o'rinda bormoqda.
Bosh sahifaga
1916