O'zbekiston U-16 terma jamoasi bosh murabbiyi Islom Ismoilov ishtirok etdi va o'z fikrlarini bildirdi.
— Ushbu turnirga uzoq vaqt davomida tayyorgarlik ko'rdik, hozirgi vaqtda barcha futbolchilarimiz eng optimal sport formasida, deb ayta olaman.
Asosiy maqsadimiz barcha uchrashuvlarda chiroyli o'yin namoyish etib, g'alaba qozonish hamda Saudiya Arabistoni mezbonlik qiladigan U-17 Osiyo kubogiga yo'llanmani qo'lga kiritishdan iborat. Avvalroq O'zbekiston U-20 terma jamoasi ham Xitoy Taypeyida o'tgan saralash turniri doirasidagi barcha uchrashuvda g'alaba qozonib, Osiyo kubogiga yo'l olgan edi. Biz ham xuddi shu natijani takrorlashga harakat qilamiz.
Raqib jamoalari haqida
— Guruh bosqichida Iroq, Falastin va Xitoy Taypeyi bilan o'ynaymiz. Murabbiylar shtabi va tahlilchilarimiz bilan birgalikda raqiblarimizning o'yin uslublarini to'liq o'rgandik. Murabbiylar hamda futbolchilar bor imkoniyatimizni ishga solib, muxlislarimizni xursand qilamiz va oldimizga qo'yilgan vazifani, albatta, bajaramiz.
Eslatib o'tamiz, saralash o'yinlarida hamyurtlarimiz 23 oktyabr kuni Falastin, 25 oktyabr kuni Xitoy Taypeyi hamda 27 oktyabr kuni Iroq termasiga qarshi o'ynaydi.
Bosh sahifaga
1836