Asror G'ofurov: "Masuliyatni zimmamga olishga va "Surxon" uchun borimni berishga tayyorman"

Uchrashuvda maydon egalarining yagona goliga Asror G'ofurov mualliflik qildi. O'yindan so'ng yarim himoyachi saytimizga fikrlarini bildirib o'tdi.

"Bugun Superligadagi ilk golimni urdim. Bu albatta yoqimli. G'alaba qozonishimiz ham mumkin edi. O'zimiz yuzaga keltirgan golli vaziyatlardan foydalana olmadik. Jamoadoshlarimga oxirigacha kurashgani uchun rahmat aytaman.  

Menimcha, hali yuz foiz sport formasiga kirib olganimiz yo'q. Murabbiylarning oldimizga qo'ygan vazifalarini bajarishga harakat qilyapmiz. Biz jamoaviy o'yinni yo'lga qo'yish yo'lida ishlayapmiz, bu o'z samarasini berishiga ishonaman. 

Masuliyatni zimmamga olishga va jamoamiz uchun borimni berishga tayyorman. Qolgan yosh futbolchilar ham borgan sari tajriba to'plab borishadi", deydi Asror G'ofurov.

Abdulaziz Iskandarov yozib oldi