Ushbu sahifada uchrashuvning matnli translyaciyasini kuzatib borishingiz mumkin.
YANGILASH
90+4-daqiqa. GOOOOOOOOOL! Marko Asensiodan chiroyli nutqa. Benzema bugun hisobiga assist ham yozdirib qo'ydi.
90+2-daqiqa. "Real" futbolchilari to'pni raqibga bermay, hujumda olib yuribdi.
O'yinning asosiy vaqtiga 3 daqiqa qo'shib berildi.
90-daqiqa. Vinisius o'yin taqdirini hal qilishi mumkin edi, lekin faqatgina burchak to'pi.
89-daqiqa. Zaxiradan o'yinga qo'shilgan Fakundo Ferreyra ketma-ket ikki bor zarba berdi, lekin har safar to'p yo'liga Kazemiro hamda himoyachilar to'g'anoq bo'lishdi.
87-daqiqa. Kazemiro yordamga muxtoj bo'lib, maydonda yotibdi.
84-daqiqa. O'zgarish! "Selta"da o'zgarishlar. Fran Beltran hamda Fakundo Ferreyra o'rniga Jeyson Murilo va Brais Mendes tushdi.
80-daqiqa. Ogohlantirish! Luka Modrich "emagan somsasiga pul to'ladi". Xorvatiyalik to'pni sherigiga oshirdi va harakati davomida yiqildi, Tapia unga qoqilib yiqildi va hakam buni qoida buzish deb topdi.
79-daqiqa. Kazemiro jarima maydoniga kiraverishda yiqitildi va Benzema zarbani amalga oshirdi, lekin noaniq.
78-daqiqa. Benzema yana himoyachilarning xatosidan unumli foydalanib, gol urishi mumkin edi, ammo hujumchi biroz shoshildi. Natijada posbon uning zarbasini qaytarishga muvaffaq bo'ldi.
78-daqiqa. Ogohlantirish! Augusto Solariga sariq kartochka ko'rsatildi.
77-daqiqa. Luka Modrichning uzatmasidan keyin Varan to'pga eta olmadi.
76-daqiqa. Har ikki jamoa tomonidan mayda qoida buzishlar ko'payib ketdi. Hozir ham Kazemiroga nisbatan qo'pollik ishlatildi.
O'zgarish! "Selta" ustozi ham o'yinchi almashtirishga qaror qildi. Nolito o'rniga Augusto Solari maydonga tushirildi.
71-daqiqa. O'zgarish! Toni Kroos o'rniga Marko Asensio o'yinga qo'shildi.
71-daqiqa. Ogohlantirish! Nacho Fernandes Yago Aspasga nisbatan keskin o'ynagani uchun ogohlantirildi.
65-daqiqa. Vinni yana katta tezlikda raqiblarini ko'rdim demay, oldinga o'tib ketdi, ammo oxirgi uzatmani aniq amalga oshirolmadi.
63-daqiqa. Uchrashuvdagi navbatdagi burchak to'pidan keyin Varan bosh bilan zarba yo'lladi, ammo himoyachi to'p yo'liga to'g'anoq bo'ldi.
62-daqiqa. Yago Aspas jarima maydoniga kirmay, kuchli va aniq zarba ylladi, biroq Kurtua to'p darvoza to'riga borib tushishiga yo'l qo'ymadi.
60-daqiqa. "Selta" himoyachisi yana bir bor Vinisiusni oldinga o'tkazib yubormaslik uchun fol ishlatdi.
57-daqiqa. Vinisius bo'shab qolgan chap qanotdan katta tezlikda oldinga o'tdi va jarima maydonchasiga yaqinlashib borib, uzatmani amalga oshirdi, biroq to'p yo'l-yo'lakay himoyachiga tegib, darvozabonning qo'liga borib tushdi.
53-daqiqa. Federiko Valverde tezligini ishga solib, "Real" uchun burchak zarbasi ishlab berdi. Uzatmadan keyin to'p Ferlan Mendiga kelib tushdi, ammo himoyachining o'ng oyoqdagi zarbasidan keyin to'p osmonlarga ravona bo'ldi.
52-daqiqa. "Selta" raqib himoyasining zaif nuqtasini izlash bilan ovvora.
Biroq Zizu shogirdlari ushbu imkoniyatdan foyda iqara olishmadi.
49-daqiqa. Standart vaziyat, Vinisiusga nisbatan qoida buzildi.
48-daqiqa. Ikkinchi bo'limning ilk daqiqalarida "Selta" faolroq va aynan mezbonlar to'p bilan ko'proq muomalada bo'lib turibdi.
46-daqiqa. Ikkinchi bo'lim boshlandi!
45-daqiqa. Bosh hakam birinchi bo'limga umuman vaqt qo'shib bermaslikka qaror qildi va jamoalarni tanaffusga taklif qildi.
44-daqiqa. Xavfli vaziyat! Bu safar "Real" himoyachilarining xatosidan raqib unumli foydalanishi mumkin edi. CHap qanotda kutilmaganda Ferlan Mendi yiqilib tushdi va tezkor hujumni qaytarishga Varan hamda Vaskes ulgurishmayotgandi, ammo Nolito to'pni o'ziga to'xtata olmadi.
40-daqiqa. GOOOOOOOOL! "Selta", Santi Mina oradagi farqni qisqartirdi. Jarimadan uzatilgan to'pni Mina boshi bilan darvozaning olis, pastki burchagiga joylab qo'ydi.
39-daqiqa. Ogohlantirish! Toni Kroos raqibiga nisbatan qo'pol o'ynagani uchun sariq kartochka bilan ogohlantirildi.
38-daqiqa. Fede Valverde raqib himoyachisi Tapia hujumni bemalol boshlashiga yo'l qo'ymadi va urugvaylikning bosimi oqibatida "Selta" to'pni yo'qotdi.
Jamoa biroz oldinga chiqsa, maydon markazidan o'tsa, to'pni osonlik bilan yo'qotib qo'ymoqda.
35-daqiqa. "Selta" futbolchilari raqibni tinchlantirish uchunmi, yoki nima qilishni bilmaganligidanmi, to'pni himoya chizig'ida ushlab turish bilan kifoyalanmoqda.
33-daqiqa. CHap qanotdan rivojlangan hujum va uzatmadan keyin Brais Mendes boshi bilan zarba yo'lladi, Kurtua o'z o'rnida.
31-daqiqa. "Selta" yana bir bor tezkor hujum bilan golga gol bilan javob qaytarishlari mumkin edi, lekin Santi Minaning tovoni bilan bergan zarbasidan keyin to'p darvozaga borishni istamadi.
30-daqiqa. GOOOOOOOL! Yana Benzema! Himoyachilarning qo'pol xatosidan keyin Karim oradagi farqni ikkitaga oshirdi. Kroosdan yana bir assist.
29-daqiqa. Uzoq davom etgan hujumni Luka Modrich yakunlashi...
26-daqiqa. Bu safar Benzema assistent rolida va Vinisius so'nggi zarbani berishi kerak edi, ammo franciyalikning noqulay vaziyatda bo'lishiga qaramay, amallab uzatgan to'pini braziliyalik kutmagan chog'i, darvozaning bo'sh qismiga to'g'rilab qo'ya olmadi.
25-daqiqa. Ogohlantirish! Qo'polligi uchun Renato Tapia sariq kartochka bilan ogohlantirildi.
23-daqiqa. Gol o'tkazib yuborgan "Selta" oldinga tashlandi va Santi Mina hisobni tenglashtirishi mumkin edi, ammo to'p darvozadan biroz yuqoriroqdan o'tib ketdi.
22-daqiqa. Ogohlantirish! Vinisius Junior to'p o'rniga raqib oyog'ini tepib yuborgani uchun ogohlantirildi.
20-daqiqa. GOOOOOOOOOL! Karim Benzema hisobni ochdi! Toni Kroosning ajoyib uzatmasidan keyin Benzema hisobiga yana bitta to'p yozdirib qo'ydi.
19-daqiqa. "Selta" pressing uyushtirib ko'rdi, ammo "qaymoqranglilar" undan qiyinchiliksiz chiqib ketishdi.
16-daqiqa. O'yin biroz sokinlashgandek. "Real" tezkor gol ura olmagan bo'lsada, bari-bir uramizda, degandek harakat qilmoqda.
14-daqiqa. "Selta" o'yindagi birinchi hujumini uyushtirdi, lekin so'nggi zarba qovushmadi va Kurtuaning tinchi buzilmadi.
10-daqiqa. Hujumni xush ko'radigan "Selta" hozircha hujumga chiqishda muammolarga duch kelmoqda.
8-daqiqa. Burchak to'pidan uzatilgan to'p shundoqqina Karim Benzemaning oyog'iga kelib tushdi, biroq raqiblar uning zarbasi nishonga aniq bormasligini taminlashdi.
7-daqiqa. Mehmonlar qayta-qayta hujum uyushtirib, raqib himoyasiga bosim uyushtirishmoqda, ammo hozircha to'p darvoza to'riga borib tushmayapti.
4-daqiqa. Kutilmaganda himoyachi va posbonning sustkashligidan Vinisius foydalanib ketishi mumkin edi, raqiblari braziliyalikning bunday chaqqon harakatini kutmagan chog'i, to'pni unga "sovg'a" qilishdi. Biroq Vinni to'pni Benzemaga etkazdi va francuzning zarbasi yo'liga boshqa bir himoyachi to'g'anoq bo'ldi.
2-daqiqa. Maydon markazida mezbonlar o'yin qoidasini buzishdi va hakam jarima zarbasi belgiladi.
1-daqiqa. Uchrashuv boshlandi!
Har ikki jamoaning asosiy tarkib vakillari maydonga chiqib kelishdi.
YANGILASH
Jamoalarning asosiy tarkiblari malum bo'lib ulgurgan.
"Selta" – "Real Madrid"
20.15, "Balaidos"
"Selta" – Vilyar, Aaron Martin, Malo, Arauxo, Murilo, Denis Suares, Tapiya, Mendes, Nolito, Santi Mina, Aspas.
"Real Madrid" – Kurtua, Mendi, Varan, Nacho, Vaskes, Valverde, Kroos, Kazemiro, Modrich, Vinisius Junior, Benzema.
1820824216739817 
Bosh sahifaga
281
21 Avgust 2025, 17:02