Imkoni yo'q narsaning o'zi yo'q

Kimdir Vinisiusdan sovrinni o'g'irlashdi desa, yana kimdir Rodri ham necha yildan beri stabil o'yin ko'rsatmoqda — u bunga loyiq, deyapti.

Nima bo'lganda ham sovrin o'z egasini topdi va endi hech kim hech nimani o'zgartira olmaydi. Marosimda g'olib elon qilingach, Rodrining reakciyasida ham chuqur mano bor.    

Qiziq tomoni, o'z nuqtasida jahonning eng zo'ri bo'lgan Rodri bu kabi nominaciyalarda yuqori baholanmaslikka o'rganib qolgani ham balki sabab bo'lgandir. Gap shundaki, "Manchester Siti" tayanch yarim himoyachisi APLda o'tgan mavsumning eng yaxshi futbolchilari TOP-8ga kirmaganidan tashqari, klublar o'rtasidagi eng obro'li musobaqa UEFA CHempionlar Ligasi mavsum ramziy termasida ham ispaniyalikka joy topilmagandi. ECHL ramziy termasi yarim himoyasiga Vitinya, Zabicer va Jud Bellingem loyiq ko'rilgandi. 

Minglab nashrlar, millionlab muxlislarning taxminlariga qaramay, sovrin Rodri bu kurashda g'olib chiqdi. Uzoq yillardan buyon ilk bor "Oltin to'p" hujumchi yoki hujumkor futbolchiga emas, ko'proq himoyalanishda ter to'kadigan yigitga nasib qildi. Balki bunga uning o'zi ham ishonmagandir, lekin "imkoni yo'q narsaning o'zi yo'q" degan gap, yana bir bor isbotini topmoqda. SHunday ekan, o'z maqsadingiz yo'lida to'xtamang!