Unda bosh sovrin uchun "Bunyodkor" va "Paxtakor" yoshlari kuch sinashdi. Murosasiz o'tgan o'yinda omad "sherlar"ga kulib boqdi. Mazkur o'yindan so'ng "qaldirg'ochlar" ustozi Anvar G'ofurov fikrlarini bildirdi.
"O'ziga yarasha hamma ishda qiyinchiliklar bo'ladi. Qisqa vaqt ichida ko'plab g'alabalar qozonishga harakat qildik. Yigitlarga g'oliblik ruhini singdirishga urindik. Kelajakda bu jamoadan asosiy tarkibda o'ynaydigan futbolchilar etishib chiqishiga ishonaman. SHu bois hozirdanoq g'alaba ruhiyatini o'zlarida his qilishlari kerak.
Finalda balki charchoq tasir qilgandir. 3 ta o'yinlar orasida vaqt qisqa. Qaysidir vaziyatlarda diqqat etishmadi. Kimdir yutishi uchun kimdir xato qilishi kerak. Bizda ko'proq xatolar kuzatilgani uchun mag'lub bo'ldik deb o'ylayman",- deydi Anvar G'ofurov.
Bosh sahifaga
690