"Dastlabki daqiqalardanoq "Spartak" yaxshiroq ekanligi ko'rinib turdi. CSKA raqib darvozasi oldiga 20-daqiqadan keyin bordi. O'shanda Fayzullaev gol urishi mumkin edi, ammo unga xotirjamlik etishmadi. U shoshdi va noaniq zarba berdi. O'sha epizodgacha "Spartak" to'pni ushlab o'yin borishini nazorat qilayotgan edi. CSKAga nima bo'lganini esa bilmayman. 1-bo'lim oxirida esa Bongonda o'z so'zini aytdi. Abaskal ("Spartak" sobiq ustozi Gilermo Abaskal) o'z vaqtida uni zaxiraga o'tqazib qo'ygandi. Endi esa Bongonda ikkinchi o'yinda hal qiluvchi golni urmoqda", - dedi Mostovoy.
Eslatib o'tamiz, Rossiya chempionati 14-turi doirasida CSKA o'z maydonida "Spartak"ka mag'lub bo'ldi. Hamyurtimiz Abbosbek Fayzullaev uchrashuvni asosiy tarkibda boshlab, 64-daqiqada zaxiraga olingan edi. Ushbu o'yindagi g'alabadan keyin "Spartak" ochkolari sonini 25 taga etkazib oldi va jadvalda aynan CSKAni quvib o'tgan holda 5-o'ringa chiqib oldi. Fayzullaev jamoasi esa 24 ochko bilan 6-pog'onaga tushdi.
Bosh sahifaga
335