Championat.asia sayti talqiniga ko'ra 23-turning eng yaxshi darvozaboni – Rahimjon Davronov ("Metallurg")
"Metallurg" bu tur Toshkent viloyati derbisida OKMK bilan to'qnash keldi va durang o'ynadi - 1:1. O'yin davomida Rahimjon Davronov bitta gol o'tkazganiga qaramay qolgan vaziyatlarda jamoasini bir necha bor qutqardi va jamoasini mag'lubiyatdan qutqarib qoldi. SHu tariqa Davronov turning eng yaxshi posboni sifatida etirof etildi.
Championat.asia sayti talqiniga ko'ra 23-turning eng yaxshi murabbiyi – Fevzi Davletov ("Surxon")
"Surxon" bu turni Jizzaxda "So'g'diyona"ga qarshi o'tkazdi irodali g'alabaga erishdi - 4:2. Uchrashuv davomida maydon egalari 2:0 hisobida oldinda edilar, ammo Davletov shogirdlari qandaydir 20 daqiqa ichida vaziyatni 180 darajaga o'zgartirib yuborishdi va superkambek amalga oshirishdi. Sovrinli o'rinlar uchun kurashyotgan "So'g'diyona"ni safarda mag'lub etgan Fevzi Davletov turning eng yaxshi murabbiyi deb topildi.
Championat.asia sayti talqiniga ko'ra 23-turning eng yaxshi futbolchisi – Abdug'afur Haydarov ("Surxon")
O'zbekiston U-20 terma jamoasi hujumchisi Abdug'afur Haydarov o'tgan turda ham saytimiz talqiniga ko'ra eng yaxshi futbolchi deb topilgan edi. Bu turda 19 yoshli Haydarov "So'g'diyona" bilan bahsda 15 daqiqa ichida raqib darvozasiga uchta gol urishga erishdi. Yosh hujumchi Superligada oxirgi 3 ta o'yinda 5 ta gol urishga erishdi. SHu tariqa, Abdug'afur Haydarov ketma-ket ikkinchi turda ham tur futbolchisi deb topildi!
Championat.asia sayti talqiniga ko'ra 23-turning eng chiroyli goli muallifi – Akmal Mozgovoy ("Nasaf")
"Nasaf" etakchilaridan biri Akmal Mozgovoy "Lokomotiv"ga qarshi bahsda supergol muallifiga aylandi. Oybek Bozorov tomonidan uzatib berilgan to'pni jarima maydoni ichida to'xtatib, chalqanchasiga darvozaga yo'lladi. Aynan shu gol "Nasaf"ga birinchi chempionlikni keltirdi. Mozgovoy tomonidan urilgan chempionlik goli championat.asia sayti talqiniga ko'ra turning eng chiroyli goli deb topildi.
Bosh sahifaga
469