"Birinchi bo'lim to'liq ustunligimiz ostida o'tdi. Yaqqol 3-4ta golli vaziyatlar yaratdik. Ikkinchi taymda esa nima bo'lganini bilmayman, to'g'risi. Futbolchilar kiyinish xonasida qolib ketishgandir balki. Golni ham o'zingiz ko'rdingiz, havodan uzatilgan pas golga aylanib ketdi", - deydi Kamoliddin Tojiev bugungi bahs haqida.
- "Paxtakor" bugun ko'proq ustunlik qildi dedingiz. "Al Rayyan" jamoasi bugungi uchrashuvda jamoangizdan qaysidir jabhada ustunroq bo'la oldimi? "Rayyan" "Paxtakor" yaxshiroq ko'rindimi?
- Ustunlik to'liq biz tomonda bo'ldi. Uzoqdan oshirilgan pas tasodifan golga aylanib ketdi. "Rayyan" ushbu vaziyatdan boshqa darvozamiz tomon zarba bermadi. SHunchaki omadimiz kelmadi deb o'ylayman.
- Tanaffusdan so'ng "Paxtakor" o'yinida pasayish kuzatildi. Jamoa birinchi bo'limdagidek o'ynay olmadi. Ikkinchi bo'limdagi o'yin sifatining pasayishiga nima sabab bo'ldi?
- Biz har 3-4 kunda o'yin o'tkazmoqdamiz. Bu o'z so'zini aytmoqda. Jismoniy holatimiz sababli bo'lishi mumkin.
- Kecha "Al Rayyan" jamoasining hujum chizig'i kuchli ekanligini aytdingiz. "Al Rayyan" tajribali legionerlariga ega bo'lishiga qaramay, o'ta kuchli futbol namoyish etmadi. Qatar jamoasi siz kutgandek o'yin namoyish eta oldimi? Raqib bo'yicha kutilmalaringiz oqlandimi?
- Raqib biz kutgandek o'yin ko'rsata olmadi. Biz besh nafar himoyachi bilan ham ko'p hujum qildik va ko'p vaziyatlar yarata oldik. "Rayyan" ko'proq himoyalanish bilan ovora bo'ldi.
- Bugungi mag'lubiyatdan "Paxtakor"ning keyingi bosqichga chiqish imkoniyatlari keskin pasayib ketmadimi?
- O'zingiz ko'ribsiz, musobaqa juda raqobatdosh. Barcha jamoalar ochko yo'qotishmoqda. Musobaqa jadvalidagi yuqoridagi jamoalar ham ochko yo'qotmoqda.
- "Paxtakor" birinchi bo'limning o'zidayoq 3ta gol urishi mumkin. Bunday yomon realizaciyaning sababi nimada?
- Bu futbol. To'p darvozaga umuman kirmadi. Raqibning havodan uzatilgan to'pi esa darvozamizga kirib ketdi. Bugun bizning kunimiz emas ekan.
- Bugun "Paxtakor" individual xato tufayli mag'lub bo'ldi deb o'ylaysizmi?
- Buning barchasi yaratgandan. Xato pas golga aylanib ketdi. Omad bugun raqib jamoaga kulib boqdi.
Bosh sahifaga
102
