So'rovnomada Championat.Asia sayti jurnalistlari, Transfermarkt portalining rus bo'limi xodimlari ishtirok etishdi. Ekspert sifatida Sport telekanali sharhlovchisi Otabek Jo'raev taklif etildi.
Yakunlangan oyda Superliganing eng yaxshi murabbiyi deb Fevzi Davletov tan olindi. Uning boshchiligidagi "Surxon" uchta o'yinda ikkita g'alabaga erishdi ("Lokomotiv" 2:1 va "So'g'diyona" 4:2), shuningdek safarda O'zbekistonning yangi chempioni "Nasaf" bilan durang o'ynadi (1:1). Davletov 42% ovoz oldi, 26% ovoz olgan "Nasaf" ustozi Ro'ziqul Berdiev esa ikkinchi bo'ldi.
"Surxon" hujumchisi Abdug'afur Haydarov oktyabr oyining eng yaxshi futbolchisi deb topildi. 19 yoshli hujumchi birinchi to'laqonli mavsumni o'tkazmoqda. Uchta o'yinda Haydarov beshta gol urdi: "Nasaf" va "Lokomotiv"ga bittadan, "So'g'diyona"ga qarshi bahsda esa xet-trik qayd etdi. Haydarov so'rovnomada 68% ovoz oldi.
Bosh sahifaga
485